75 տարի առաջ այս օրը մահացել է հայ կոմպոզիտոր, խմբավար եւ դիրիժոր Գուրգեն Ալեմաշը
22:22 14 դեկտեմբերի, 2022Հայ կոմպոզիտոր, խմբավար եւ դիրիժոր Գուրգեն Ալեմաշը ծնվել է 1907 թվականի մայիսի 22-ին Թուրքիայի հայկական Պարտիզակ ավանում:
Սովորել է Միլանի կոնսերվատորիայում, ապա երաժշտություն դասավանդել Փարիզի Մուրադ Ռափայելյան վարժարանում եւ հիմնել «Կիլիկիա» երգչախումբը: Երգչախումբը 1937 թվականին ժողովուրդների երաժշտության մրցույթում ներկայացրել է Ալեմաշի «Հայկական հարսանիք» ստեղծագործությունը եւ զբաղեցրել երկրորդ հորիզոնականը:
Որպես դիրիժոր եւ խմբավար հանդես է եկել Ֆրանսիայում, Իտալիայում եւ Միացյալ Նահանգներում։ Կատարել է Կոմիտասի, Սպենդիարյանի, Քրիստափոր Կարա-Մուրզայի, Արմեն Տիգրանյանի, Չուխաջյանի եւ այլոց ստեղծագործությունները։
Ալեմաշը մահացել է 1947 թվականին ԱՄՆ-ի Դետրոյտ քաղաքում սրտի կաթվածից։