Backstreet Boys-ը պատասխանել է Նիք Քարթերի դեմ բռնաբարության մեղադրանքներին
15:26 17 դեկտեմբերի, 2022Backstreet Boys խմբի երգիչ Էյ Ջեյ Մաքլինը մեկնաբանել է խմբի մասնակից Նիք Քարթերի դեմ բռնաբարության մեղադրանքները: Այս մասին հայտնում է TMZ-ը։
Լրագրողի հետ հարցազրույցում Մաքլինը հայտարարել է, որ գործընկերներն աջակցում են արտիստին։ «Դա ճիշտ չէ։ Մենք բոլորս լիովին աջակցում ենք Նիքին եւ սիրում ենք նրան»,- վստահեցրել է նա։
Ավելի վաղ հայտնել էինք, որ Քարթերին դատի են տվել՝ պնդելով, որ նա 2001 թվականին Վաշինգտոնում համերգից հետո իր շրջագայության ավտոբուսում բռնաբարել է այն ժամանակ 17-ամյա երկրպագու Շենոն Ռութին:
Երգչի ներկայացուցիչը հերքել է մեղադրանքները։ «Ավելի քան 20 տարի առաջ տեղի ունեցած միջադեպի մասին այս պնդումը ոչ միայն իրավաբանորեն անհիմն է, այլեւ լիովին չի համապատասխանում իրականությանը», - ասել է երգչի փաստաբան Մայքլ Հոլցը: