Ամերիկյան Fox 11 հեռուստաալիքի հաղորդավարուհի, «Էմմիի» մրցանակակիր Արաքսյա Կարապետյանն անդրադարձել է Ադրբեջանի կողմից Արցախի շարունակվող շրջափակմանը:
Լրագրողը հերթական ռեպորտաժն է պատրաստել, որում անդրադառնում է Լաչինի միջանցի փակմանն ու Արցախում հումանիտար ճգնաժամի առաջացման վտանգին:
View this post on Instagram
«Ավելի շատ միջազգային ճնշում է հարկավոր: Թեեւ տարածաշրջանում ապրող 120 հազար բնակչության համար մի քանի օր առանց ջերմության մնալուց հետո վերականգնվել է դեպի Արցախ գազի մատակարարումը, այնուամենայնիվ, ճանապարհների շրջափակումը դեռեւս շարունակվում է:
Արցախը Հայաստանին եւ աշխարհին կապող միակ ճանապարհը շարունակում է փակ մնալ, ինչը նշանակում է, որ անհնար է դեղամիջոցներ, սնունդ եւ անհրաժեշտ պարագաներ տեղափոխել: Քանի որ մոտենում է դաժան ձմեռը իրավիճակի լրջությունը սրվում է եւ հումանիտար աղետը անխուսափելի կլինի, եթե հիմա գործողություններ չձեռնարկվեն», - հրապարակմանը կից գրել է Արաքսյան:
View this post on Instagram
Ավելի վաղ լրագրողը հրապարակում էր արել`անդրադառնալով Ադրբեջանի կողմից Հայաստանի Հանրապետությունն Արցախին կապող միակ ճանապարհի`Լաչինի միջացնքի փակմանն ու Արցախի շրջափակմանը. «Աշխարհում այնքան բան է կատարվում.... երբեմն այդ ամենը կարող են ճնշող եւ հուսահատեցնող լինել:
Թեեւ յուրաքանչուրդ կարող է իր առօրյա կյանքով տարված լինել, կարծում եմ միշտ պետք է քաջատեղյակ լինենք, թե ինչ է կատարվում աշխարհում եւ աշխատենք իրազեկվածության բարձրացման ուղղությամբ:
Հայաստանում հենց այս պահին հումանիտար ճգնաժամ է սրվում: Արդեն երեք օր է ինչ Հայաստանն Արցախին կապող ճանապարհը փակ է, ինչը խոչընդոտում է ազատ տեղաշարժին եւ մատակարարման: Բացի այդ դադարեցվել է գազամատակարարումը 120 հազար մարդկանց համար՝ ցածր ջերմաստիճանի պայմաններում»: