«ՄԱԿ-ին կոչ ենք անում դատապարտել Ալիեւի ռեժիմը եւ մարդասիրական օգնության ավիափոխադրում կազմակերպել». Սերժ Թանկյանը՝ Արցախի շրջափակման մասին (ֆոտո)
16:32 21 դեկտեմբերի, 2022Երաժիշտ, System of a Down ռոք խմբի մենակատար Սերժ Թանկյանը «Ինստագրամ» սոցիալական հարթակի իր էջի Stories բաժնում հրապարակել է Արցախի շրջափակման վերաբերյալ տեքստ՝ խնդրելով տարածել այն:
«Սիրելի մարդ, ձմռան կեսին Ադրբեջանը փակել է Արցախը աշխարհի մնացած մասին կապող միակ ճանապարհը... Եկեք դադարեցնենք Ադրբեջանի անողոք հարձակումը հայերի նկատմամբ:
Մեր կառավարությանն ու ՄԱԿ-ին կոչ ենք անում դատապարտել Ալիեւի ռեժիմը եւ անհապաղ մարդասիրական օգնության ավիափոխադրում կազմակերպել», - գրել է երաժիշտը:
Ավելի վաղ Սերժ Թանկյանն անդրադարձել էր հայ ռազմագերիների գնդակահարությանը: «Կիրակի օրը սոցիալական ցանցերում տարածված տեսանյութը, որում ադրբեջանցի զինվորականները մահապատժի են ենթարկում գերի ընկած հայ զինվորներին, հակակրանք է առաջացրել Հայաստանում եւ կառավարությանը հաշվետվություն տալու կոչեր են հնչել...Ռազմագերիների սպանությունը համարվում է Ժնեւի կոնվենցիաների «լուրջ խախտում»...», - գրել էր նա: