Երեւանում կայացած «Մանկական Եվրատեսիլը» շուրջ 33 միլիոն դիտում է ունեցել (ֆոտո)
17:38 21 դեկտեմբերի, 2022«Հայաստանը Եվրատեսիլում» ինստագրամյան էջը հայտնում է, որ Երեւանում կայացած «Մանկական Եվրատեսիլը» շուրջ 33 միլիոն դիտում է ունեցել:
View this post on Instagram
«Միջինում, բոլոր հեռուստադիտողների 12,8%-ը դիտել է Հայաստանի հանրային հեռուստատեսության կողմից կազմակերպված մրցույթը, ընդ որում, մասնակից հեռարձակողների մեծամասնությունը 2021 թվականի թողարկման համեմատ լսարանի աճ է արձանագրել:
4-ից 14 տարեկան երեխաները հեռուտադիտողի 18,5%-ն են կազմում, ինչը ավելի քան երկու անգամ գերազանցում է նախորդ տարիների միջին ցուցանիշը: Կրկնապատվել են նաեւ 15-24 տարեկան հեռուստադիտողների դիտումները:
Մրցույթի առցանց դիտումները եւս գերազանցել են նախորդ տարվա ցուցանիշը. ուղիղ հեռարձակումը 2021 թվականի համեմատ 4 անգամ ավելի շատ մարդ է դիտել:
Ի դեպ, «Մանկական Եվրատեսիլ 2022» մրցույթը հեռուստատեսային վարկանիշով աննախադեպ է նաեւ Հայաստանի հեռուստատեսության պատմության մեջ», - գրված է հրապարակված տեքստում:
Հիշեցնենք, որ մրցույթը կայացել է այս տարվա դեկտեմբերի 10-ին Երեւանի Կարեն Դեմիրճյանի անվան մարզահամերգային համալիրում: