Մթերքներ, որոնք չի կարելի ուտել ընթրիքին
22:21 27 դեկտեմբերի, 2022Կարմիր միս
Սպիտակուցներով հարուստ այս մթերքն ավելի լավ է թողնել ճաշին: Այն պարունակում է թիրոզին ամինաթթու, որը բարձրացնում է արյան մեջ ադրենալինի մակարդակը, գրգռում է նյարդային համակարգը եւ արթուն է պահում օրգանիզմը։
Խմորեղեն
Ալյուրից պատրաստված սնունդը, որպես կանոն, պարունակում է շատ շաքար։ Արդյունքում կտրուկ բարձրանում է արյան շաքարի մակարդակը, ապա շուտով այն ակնթարթորեն իջնում է՝ առաջացնելով սովի դաժան զգացում։
Ընկուզեղեն
Բարձր կալորիականությամբ եւ յուղոտ սնունդ։ 100 գրամ ընկույզը պարունակում է ավելի քան 500 կալորիա (հատկապես քչերը կարող են կանգ առնել այդքան փոքր բուռի վրա): Հարկ է նաեւ նշել, որ յուղայնության բարձր պարունակության պատճառով ընկույզը դժվար է մարսվում, հետեւբար, օրգանիզմը գիշերը ստիպված կլինի իր ողջ ուժերը ուղղել մարսողության գործընթացին:
Թթու եւ պահածոներ
Նման մթերքները օրվա ցանկացած ժամի պետք է սպառել չափավոր, իսկ երեկոյան՝ առավել եւս։ Թթուն ստամոքսի համար ծանր կերակուր է, որը հեղուկ է պահում օրգանիզմում, ուստի վտանգում եք ոչ միայն բավարար չափով չքնել, այլեւ արթնանալ ուռած դեմքով։
Քաղցր մրգեր եւ հատապտուղներ
Սեխը, ձմերուկը, ծիրանը, դեղձը եւ այլ մրգեր չի կարելի ուտել կեսօրից հետո՝ դրանք պարունակում են մեծ քանակությամբ ածխաջրեր եւ շաքար։ Եթե ձեր երեկոն դեռ չեք պատկերացնում առանց քաղցրավենիքի, ապա կարող եք մի քանի միրգ ուտել, բայց ավելի լավ է չտարվեք:
Աղբյուրը՝ Ivona.ua