LVMH հոլդինգի գործադիր տնօրեն Բեռնար Առնոն գնել է Լեոնարդո դա Վինչիի կեցավայրը Միլանում (ֆոտո)
11:23 25 դեկտեմբերի, 2022LVMH-ի նախագահ եւ գործադիր տնօրեն Բեռնար Առնոն գնել է Միլանում գտնվող Լեոնարդո դա Վինչիի նստավայրը, որը հայտնի է որպես Casa Degli Atellani: Գործարքի արժեքը եւ ձեռքբերման նպատակը չեն բացահայտվել: Այդ մասին գրում է WWD-ն։
Շենքը կառուցվել է մոտավորապես 1490 թվականին։ Դա Վինչին այն գնել է 1498 թվականին, երբ աշխատում էր Միլանում՝ «Վերջին ընթրիք»-ի վրա։ Հարյուրավոր տարիների ընթացքում բնակավայրը փոխել է բազմաթիվ սեփականատերերի։ 1919 թվականին սեփականատեր դարձավ սենատոր եւ ձեռնարկատեր Էտտորե Կոնտին, ում փեսային՝ հայտնի ճարտարապետ Պիերո Պորտալուպին, հանձնարարվեց վերականգնել այն։
Առանձնատունը գտնվում է Տոնի Կորսո Մաջենտայում։ Դրան կից տեղակայված են դա Վինչիի խաղողի այգիները, որոնք խնամքով վերականգնվել են 2015 թվականին։