Ամանորյա կերպարներ պլյուս չափսի աղջիկների համար (ֆոտո)

Սեւ զգեստ + վառ բաճկոն

Սեւ զգեստը չհնացող դասական է, որն ունի բազմաթիվ առավելություններ։ Առաջին հերթին այն ունիվերսալ է, եւ նույնիսկ նման երանգի դասական ձեւվածքի մոդելը միշտ տեղին է: Երկրորդ՝ այս հանդերձանքը յուրաքանչյուր աղջկա մի փոքր ավելի նիհար է դարձնում։ Դե, վառ բաճկոնը կօգնի տոնական տրամադրություն հաղորդել։ Խաղացեք վերին եւ ստորին շերտերի ֆակտուրաների կոնտրաստի վրա եւ մի մոռացեք ավելացնել կախարդական փայլ:

Վերնաշապիկ զգեստ + բարձրակրունկներ

Շատերին թվում է, թե վերնաշապիկ զգեստը չափազանց պարզ բան է Ամանորի համար, բայց, ինչպես միշտ, ամեն ինչ որոշում են դետալները։ Ընտրեք վառ գույներով ու գոտիով մոդել եւ կոճակների օգնությամբ համարձակորեն ստեղծեք խորը դեկոլտե։ Պարզապես չմոռանաք մի փոքր մերկացնել ուսերը: Ձեր սիրելի վզնոցը «խնդրում է» միանալ այս լուքին, բայց ամենակարեւոր աքսեսուարը կոշիկներն են։ Դրանք են կօգնեն տեսողականորեն «ձգել» կազմվածքը, քանի որ նման լուքում շատ չեն փրկօղակները:

Ուսերը բաց բլուզ + միդի

Ձեր թերությունները թաքցնելու փոխարեն մտածեք ձեր առավելությունների մասին։ Հաճախ պլյուս-սայզ աղջիկները շքեղ բարեմասնություններ են ունենում, եւ պետք չէ դրանք թաքցնել։ Իհարկե, կորսետները եւ չափազանց համարձակ դեկոլտեները կարող են հատել նուրբ սահմանը, սակայն երկար թեւերով եւ բաց ուսերով բլուզները կոկիկ կերպով կընդգծեն կազմվածքը։ Կերպարը համալրեք ազատ կիսաշրջազգեստով եւ ապավինեք ատլասին։ Այն նաեւ կօգնի նվազեցնել սեքսուալության աստիճանը:

Փքված թեւերով կարճ զգեստ

Խնձորաձեւ կազմվածքով աղջիկները բավականին սլացիկ ոտքեր ունեն, ուրեմն ինչո՞ւ թաքցնել դրանք: Կիպ մինի զգեստները դժվար թե հարմար լինեն, ուստի դիմեք լայն զգեստներին։ Փքված թեւերը կերպարին զվարճություն կհաղորդեն, իսկ տոնական տրամադրության համար պատասխանատու կլինի շողացող կտորը։

Վառ կոստյում

Կոստյումը միշտ փրկում է՝ «հագնելու ոչինչ չկա» դարավոր խնդրից: Որպեսզի հանդերձանքը տպավորիչ լինի, պարզապես անհրաժեշտ է ճիշտ ոճ ընտրել: Խաղադրույք կատարեք ազատ պալացոյի վրա, բայց մի տարվեք մեծ չափերի բաճկոններով, հակառակ դեպքում կազմվածքը կկորցնի ճիշտ համամասնությունները: Գույնը պատասխանատու կլինի տրամադրության համար՝ ընտրեք գամմա՝ հիմնվելով Ջրային նապաստակի նախասիրությունների վրա, կամ ավելի ուշադիր նայեք կարմիրին՝ Ամանորի տոների խորհրդանիշին:

Երկար վերնաշապիկ, գոտի + ուղիղ ջինսեր

Ո՞վ է ասել, որ դասական «ջինս + սպիտակ վերնաշապիկ» բանաձեւը հարմար չէ մայրաքաղաքային աղցանով ու խավիարով սենդվիչներով խնջույքի համար։ Հիմնական բանը կերպարի ճիշտ տարրերն ընտրելն է: Վերնաշապիկը նախընտրելի է լինի ատլասե։ Գոտին կօգնի մոդելավորել կազմվածքը, իսկ վերնաշապիկի երկար ոճը կօգնի հարմարավետ զգալ։ Ուղիղ ջինսերը կբալանսավորեն նման վերնաշապիկը, որը հաստատ կերպարն ավելի չի ծանրացնի՝ ի տարբերություն լայն մոդելների։

Աղբյուրն ու լուսանկարները՝ GraziaMagazine