Քիմ Քարդաշյանը հայտարարել է, որ զավակներին պաշտպանում է Քանյե Ուեսթի սկանդալային պահվածքի մասին տեղեկություններից
11:21 27 դեկտեմբերի, 2022Քիմ Քարդաշյանը պատմել է, որ Քանյե Ուեսթի հետ «իրոք շատ ծանր է» երեխաներին դաստիարակելը։ Նրա խոսքերը մեջբերում է People-ը։
«Ես միանշանակ պաշտպանել եմ նրան եւ կշարունակեմ պաշտպանել իմ երեխաների աչքերում: Իմ տանը երեխաներս ոչինչ չգիտեն այն մասին, թե ինչ է կատարվում արտաքին աշխարհում»,- խոստովանել է աստղը։ Քարդաշյանը հայտարարել է, որ զավակներին չի պատմում հանրային տարածքում նախկին ամուսնու պահվածքի մասին եւ չի քննադատում նրա գործողությունները։
Նա պատմել է նաեւ, որ երեխաների հետ նրանց հոր մասին խոսելիս շատ հանգիստ է պահում իրեն։ «Ես կարող եմ ինձ այնպես պահել, կարծես ոչինչ չի պատահել, իսկ նրանց դպրոց հասցնելուց հետո կարող եմ լավ լաց լինել», - ասել է Քիմը։