«Էմիլին Փարիզում» սերիալի աստղ Լիլի Քոլինսը` V Magazine-ի նոր շապիկին (ֆոտո)

17:20   27 դեկտեմբերի, 2022

Հայտնի դերասանուհի Լիլի Քոլինսն իր նորաձեւ կերպարներով զարդարում է V Magazine-ի 140-րդ շապիկը, որը թողարկվելու է 2023 թ-ի գարնանը։ Ամսագրի կայքը ներկայացրել է այն կերպարները, որոնցով դերասանուհին լուսանկարվել է նոր շապիկի համար։

Լուսանկարների հեղինակը Նաթանիել Գոլդբերգն է, դերասանուհու կերպարների շուրջ աշխատել է ոճաբան Գրո Քըրթիսը։ 

Ամսագրին տված հարցազրույցում «Էմիլին Փարիզում» սերիալի 33-ամյա աստղը խոսել է իր կարիերայի վաղ շրջանի ու Netflix-ի հիթային շոուի հաջողության մասին։ Քոլինսը պատմել է, որ 16 տարեկանից թղթակցել է տարբեր պարբերականների․

320955402_1542527239600449_66266231943380678_n.jpg (102 KB)

«Ես գրել եմ Elle Girls-ի, L.A Times-ի եւ Nicelodeon-ի համար, գրել եմ նաեւ Օբամայի երդմնակալության մասին։ Երբ հեղինակեցի իմ գիրքը, ինքս ինձ ասացի՝ «Հիմա ես ապրում եմ Քերրի Բրեդշոուի կյանքով․ կտեղափոխվեմ Նյու Յորք, կտեղավորվեմ մի բնակարանում ու կաշխատեմ»»։ 

Անդրադառնալով «Էմիլին Փարիզում» շոուին՝ նա նշել է,-«Շոուի առաջին եթերաշրջանի թողարկումը համընկավ Covid-ի համավարակի շրջանի հետ, եւ այնպես ստացվեց, որ հեռարձակումից հետո առիթ չունեցանք անձամբ շփվելու սերիալի երկրպագուների հետ, բայց երբ վերադարձանք Փարիզ, շատերն արդեն մեզ ճանաչում էին։ Մեզ էին մոտենում տարբեր տարիքի մարդիկ՝ թե երեխաներ, թե մեծահասակներ»։

Դերասանուհին նաեւ խոստովանել է, որ կարիերայի սկզբում ունեցել է դժվարություններ, որոնք հաղթահարել է լավատեսության շնորհիվ։

321142233_534014085445186_7643521978168345793_n.jpg (121 KB)

«Սկզբում ես շատ մերժումներ եմ ստացել։ Ինձ բազմիցս ասել են՝ «ոչ», ու բացատրում էին, որ պատճառն այն էր, որ ես «խակ» էի, բայց ես չէի հասկանում, թե դա ինչ էր նշանակում։  Հետո գիտակցեցի, որ, իսկապես, պետք է հասունանայի եւ փորձ ձեռք բերեի։ Կարծում եմ՝ այս ճանապարհին շատ կարեւոր էր այն, թե ինչպես էի ես ընկալում այդ «ոչ»-ը։ Ես մտածում էի, որ եթե մերժվել եմ, դա դեռ չէր նշանակում, որ այդ ոլորտն ինձ համար չէր, այլ ինձ ասել են «ոչ», որովհետեւ, պարզապես, դեռ իմ ժամանակը չէր»,-ասել է Քոլինսը։

321615876_884355976095886_5557142814575184051_n.jpg (108 KB)

321084711_2452800581527174_2530950486048725668_n.jpg (121 KB)

321136687_542107967802432_6153695952424732004_n.jpg (148 KB)

321809099_877000793444666_4535209494971588169_n.jpg (308 KB)

322017980_517881160407408_2411152383876182031_n.jpg (104 KB)



© NEWS.am STYLE