Ամանորյա տրամադրություն հաղորդող 5 կախարդական ֆիլմ
15:24 30 դեկտեմբերի, 2022Հարգելի՛ ընթերցողներ, շուտով Ամանոր է, ինչի կապակցությամբ NEWS.am STYLE-ը շնորհավորում է բոլորիս և 2022թ․-ին ամենայն բարիք մաղթում։ Հիշեք՝ ամենակարեւորը ընտանեկան ջերմությունն է։ Իսկ ընտանիքում ջերմություն կարող են ապահովել, դե իհարկե, ամանորյա ֆիլմերը։ Օրինակ, «Տանը միայնակ», «Ճակատագրի հեգնանքը» ֆիլմերն Ամանորին դիտելն արդեն երկար տարիներ դարձել է հաճելի ավանդույթ։ Ֆիլմերը, որոնք առաջարկում ենք այսօր, նույնպես կզարդարեն ձեր տոնական օրերը։
Արձակուրդ՝ փոխանակմամբ, 2006թ․
Երկու անծանոթ կանայք միմյանց գտնում են համացանցով՝ բնակատեղի փոխանակման կայքով։ Սուրբ Ծնունդի նախօրեին Այրիսն ու Ամանդան որոշում են հանգստանալ իրենց խնդիրներից եւ տներով փոխանացվում են։ Այրիսը տեղափոխվում է Ամադայի տուն՝ արեւոտ Կալիքորնիա, իսկ Ամանդան՝ ձնառատ անգլիական թագավորություն․․․
Հին Նոր Տարի, 2011թ․
Եվս մեկ տոնական ֆիլմ, որի հերոսները՝ քաղաքի բնակիչներն են, որոնք երբեք չեն քնում։ Նյու Յորքում Նոր Տարվա նախօրեին հերոսներից մի քանիսի կյանքը միահյուսվում է։
Կլաուս, 2019
Փոստային կայսրության սեփականատերն իր որդուն՝ Ջեսպերին, ուսանելու համար ուղարկում է հյուսիս՝ Սմիրենսբուրգ քաղաք: Վերջինս պետք է կազմակերպի փոստային բաժանմունքի աշխատանքը: Ժամանելով Սմիրենսբուրգ՝ տղան հայտնվում է մարտական գործողությունների գոտում. երկու ընտանեկան կլաններ փոխադարձ ատելություն են տածում միմյանց նկատմամբ: Բնականաբար, նման իրավիճակում նամակների ժամանակը չէ: Արդեն գրեթե հուսահատվելով՝ Ջեսպերն այցելում է Կլաուս անունով անտառագետին, եւ նրանց ծանոթությունը սկիզբ է դնում զարմանալի իրադարձությունների:
Ընտանիք սիրողը, 2000թ․
Հիանալի ֆիլմ, որի հերոսը պետք է ընտրություն կատարի միայնակության մեջ հարուստ ապրելու եւ համեստ, բայց իրեն սիրողների շրջապատում։
Բրիջիտ Ջոնսի օրագիրը, 2001թ․
Բրիջիտ Ջոնսը օրագիր է կազմում, որպեսզի նկարագրի իր հաջողություններն ու հաղթանակները, ինչպես պետք է ազատվի ավելորդ կիլոգրամներից եւ վատ սովորույթներից, ինչպես նաեւ անձնական կյանքի մասին։
Հաճելի ամանորյա դիտումներ
Միշտ Ձեր՝ Նորայր Նազարյան