Անջելինա Ջոլիին նկատել են «Նորմալ մարդիկ» սերիալի աստղի հետ
23:03 4 հունվարի, 2023Հոլիվուդյան դերասանուհի Անջելինա Ջոլիին Լոնդոնում նկատել են «Նորմալ մարդիկ» սերիալից իռլանդացի դերասան Փոլ Մեսքալի հետ, գրում է բրիտանական Daily Mail պարբերականը:
Պարբերականի տվյալներով դերասանուհին դստեր՝ Շայլոյի հետ ընկերակցել է Մեսքալին ռեստորանում: Մինչեւ հանդիպումը դերասանուհին Ալմեյդա թատրոնում ներկա է եղել ներկայացման, որում խաղում է դերասանը: Հայտնիների հանդիպման մասին այլ մանրամասներ հայտնի չեն:
Աելի վաղ լուրեր էին շրջանառվում այն մասին, որ Մեսքալը բաժանվել է իր սիրելիից՝ ամերիկացի երգչուհի Ֆիբի Բրիջերսից: Զույգը նշանադրվել էր, սակայն ավելի ուշ պարզ էր դարձել, որ նրանք բաժանվել են: