Նիկիտա Միխալկովին ծանր վիճակում տեղափոխել են հիվանդանոց. նա վարակված է կորոնավիրուսով
22:12 5 հունվարի, 2023Ռեժիսոր, ՌՍՖՍՀ ժողովրդական արտիստ Նիկիտա Միխալկովը ծանր վիճակում տեղափոխվել է հիվանդանոց. նա վարակված է կորոնավիրուսով, հայտնում է Baza տելեգրամյան ալիքը՝ վկայակոչելով իր աղբյուրը։
Սկզբում, ինչպես պնդում է աղբյուրը, 77-ամյա ռեժիսորը տեղափոխվել է քաղաքային թիվ 67 կլինիկական հիվանդանոց, ապա վերակենդանացման խմբի օգնությամբ տեղափոխվել է մեկ այլ հիվանդանոց: Աղբյուրի հայտնած տեղեկությունների համաձայն՝ Միխալկովի մոտ ախտորոշվել է կորոնավիրուսային թոքաբորբ։
Ավելի վաղ հաղորդվել էր, որ 2023 թվականի հունվարի 5-ին Ռուսաստանում մեկ օրում հայտնաբերվել է կորոնավիրուսով վարակման 3274, վարակից մահվան 47 դեպք, ապաքինվածների թիվն աճել է 4719-ով։