«Մանկական Եվրատեսիլ 2022» երգի միջազգային մրցույթում Հայաստանի ներկայացուցիչ Նարե Ղազարյանն «Ինստագրամ» սոցիալական հարթակի իր էջում մրցույթային «Dance» երգի տեսահոլովակի նկարահանման ընթացքից կադրեր է հրապարակել:
View this post on Instagram
Կադրերում երեւում է, թե ինչպես են անցել նկարահանումները, չստացված պահերը, ցուրտը եւ փորձերը:
«Կադրից դուրս» հրապարակմանը կից կարճ մակագրել է երիտասարդ երգչուհին:
Ավելի վաղ՝ մրցույթի ավարտից հետո, Նարեն լրագրողների հետ հանդիպմանը կիսվել էր իր ապրումներով ու տպավորություններով։ Երգչուհին հայտնել էր, որ ուրախ է Ֆրանսիայի հաղթանակի համար, իսկ երկրորդ հորիզոնականում հայտնվելուց հետո երջանկության արցունքներ է ունեցել։ «Քվեարկության ժամանակ հուզվել էի, բայց հիմա շատ ուրախ եմ, դրանք երջանկության արցունքներ էին: Սպասում էի, որ արձագանքը շատ մեծ կլիներ, որովհետեւ պրոֆեսիոնալ թիմի հետ էի աշխատում», - ասել էր նա`հավելելով, որ իրատես է, եւ եթե երկրորդ հորիզոնականում է, ուրեմն դրան է արժանի: