Սելին Դիոնի երկրպագուները բողոքի ցույց են անցկացրել Rolling Stone ամսագրի գրասենյակի մոտ

Կանադացի երգչուհի Սելին Դիոնի երկրպագուներն ակցիա են կազմակերպել Rolling Stone ամսագրի գրասենյակի մոտ, որի խմբագիրներն արտիստուհուն չեն ներառել բոլոր ժամանակների լավագույն երգչուհիների ցանկում։ Այս մասին հայտնում է NME պորտալը։

Բողոքի ակցիային մասնակցել է մոտ մեկ տասնյակ մարդ՝ «Ինչպե՞ս կարող էիք մոռանալ Սելինին» եւ «Փրկել Սելինին» գրությամբ պաստառներով։ Երկրպագուները նաեւ պահանջել են հանդիպում կազմակերպել Rolling Stone-ի լրագրողների հետ, ստորագրահավաք են սկսել ի պաշտպանություն Դիոնի եւ քննադատել հրապարակումը սոցիալական ցանցերում։

Սոուլ երգչուհի Արետա Ֆրանկլինը գլխավորել է Rolling Stone-ի ցուցակը, որին հաջորդում է Ուիթնի Հյուսթոնը եւ երկրորդ ու երրորդ հորիզոնականները զբաղեցրել սոուլի ռահվիրա Սեմ Կուկը: Նրանցից բացի վարկանիշային աղյուսակ են մտել Բիլլի Այլիշը, The Weeknd-ը, Արիանա Գրանդեն, Թեյլոր Սվիֆթը, Ռիհաննան եւ այլք։ Վարկանիշը կազմողներն ընդգծել են, որ «սա լավագույն կատարողների ցանկն է, ոչ թե լավագույն ձայների»։