Մահացել է «Սովրեմեննիկ» թատրոնի տնօրեն Լեոնիդ Էրմանը
18:29 8 հունվարի, 202396 տարեկանում կյանքից հեռացել է «Սովրեմեննիկ» թատրոնի եւ Մոսկվայի գեղարվեստական թատրոնի տնօրեն Լեոնիդ Էրմանը։ Այս մասին հայտնել են Չեխովի անվան Մոսկվայի գեղարվեստական թատրոնից։
«Նրա ողջ կյանքը՝ լի ձեռքբերումներով, անմնացորդ նվիրվել է թատրոնին։ Երիտասարդ տարիքում նա անցել է պատերազմի միջով, իսկ 1952 թվականին, երբ 25 տարեկան էր, ընդունվել է Մոսկվայի գեղարվեստական թատրոնի դպրոցի պրոդյուսերական բաժինը»,- ասվում է հաղորդագրության մեջ։
Լեոնիդ Էրմանը Օլեգ Եֆրեմովի հետ մասնակցել է «Սովրեմեննիկ» թատրոնի ստեղծմանը։ Թատրոնում ծառայության տարիներին եղել է բեմադրական մասի եւ ֆինանսական տնօրեն։ Էրմանն աշխատել է նաեւ Մոսկվայի գեղարվեստական թատրոնում որպես գեղարվեստական ղեկավարի օգնական։