Հոլիվուդյան հայտնի դերասան Ջիմ Քերին ծնվել է Կանադայի Նյումարքեթ քաղաքում 1962 թվականի այս օրը։
Քերին 6 անգամ առաջադրվել է «Ոսկե Գլոբուս» մրցանակի, որից երկուսը ստացել է։ Դերասանը հայտնի է իր բազմաթիվ դերերով, հատկապես կատակերգական ժանրում։
News.am STYLE-ը ձեզ է ներկայացնում դերասանի մասնակցությամբ 5 ֆիլմ։
«The Mask». 1994
Ֆիլմը պատմում է բանկի համեստ աշխատակցի մասին, ով փայտե դիմակ կրելով դառնում է կանաչ դեմքով սուպերհերոս։ Ֆիլմում գլխավոր հերոսուհուն մարմնավորում է Քեմերոն Դիասը։
«How the Grinch Stole Christmas». 2000
Ֆիլմը հիմնված է Թեոդոր Գեյզելի համանուն մանկական պատմության վրա։ Գրինչի կերպարը մարմնավորում է հենց ինքը՝ Ջիմ Քերին։
«Bruce Almighty». 2003
Կատակերգական ժանրի ֆիլմը պատմում է հեռուստալրագրողի մասին, ով Աստծուց բացատրություն է պահանջում իր նկատմամբ կատարված անարդարության համար։ Աստված նրան հնարավորություն է տալիս որոշ ժամանակով փոխարինել իրեն՝ տեսնելու համար, թե դա որքան դժվար է։
«Yes Man»․ 2008
Ֆիլմի հիմքում Դենի Ուոլեսի հուշագրությունն է, որը հիմնված է իր կյանքի մեկ տարվա վրա, երբ նա նախընտրել է «այո» ասել ցանկացած առաջարկի։
«A Christmas Carol»․ 2009
Սուրբ Ծննդյան ուրվականների մասին պատմությունները սովորաբար հիշվում են Չարլզ Դիքենսի վեպով, որը լույս է տեսել 1843 թվականին Լոնդոնում։