Հունվարի 6-ին Իրինա Շեյքը դարձավ 37 տարեկան։ Նա լավ տեսք ունի ինչպես պոդիումում, այնպես էլ համաշխարհային բրենդների գովազդային արշավներում։ Այս հոդվածում պատմում ենք, թե ինչպես է Իրինային հաջողվում միշտ լավ տեսք ունենալ։
Առողջ միջուտեստներ
Իրինան խոստովանել է, որ երբեք իրեն չի սահմանափակում սննդի մեջ, ուստի նրա ամենօրյա սննդակարգի մեջ առկա են նախուտեստներ։ Սուպերմոդելը նախընտրում է չրեր ու կաթնամթերք։ Դուք հեշտությամբ կարող եք վերցնել այս հնարքը Շեյքից։ Երբ ուտել եք ցանկանում, ապա չիպսերի կամ ֆրիի փոխարեն առողջ խորտիկ ընտրեք: Օրինակ՝ գազար, ընկույզ, չոր մրգեր կամ խնձոր։
Ռուսական բաղնիք
Իրինան բազմիցս հարցազրույցներում ասել է, որ հավատում է ռուսական բաղնիքի օգտակարությանը։ Սուպերմոդելի խոսքով՝ ռուսական բաղնիքն աշխատում է դետոքսի պես, ուստի այն ոչ միայն օգնում է նիհարել, այլեւ բարելավում է մաշկը։ Մեկ այլ առավելություն եւս․ այն հանգստացնող ազդեցություն ունի, եւ մենք լավ գիտենք, որ սթրեսը գեղեցկության եւ երիտասարդության գլխավոր թշնամին է:
Կոկոսի յուղ՝ մաշկի լրացուցիչ խոնավեցման համար
Իրինան կոկոսի յուղի մեծ սիրահար է։ Ըստ նրա՝ այն աշխարհի լավագույն խոնավեցնող միջոցներից մեկն է։ Նա կոկոսի յուղն օգտագործում է անմիջապես ցնցուղ ընդունելուց հետո (խոնավությունը պահպանելու համար): Բացի այդ, կոկոսի յուղը հիանալի կերպով պայքարում է կարմրության եւ չորության դեմ՝ հարթեցնելով մաշկի երանգը:
Կանոնավոր կարդիո մարզումներ
Իրինան բազմիցս խոստովանել է, որ մանկուց ատում է վազելը, ուստի միշտ մարզումների նոր տարբերակներ է փնտրում։ Այժմ հայտնի մոդելը նախընտրում է բռնցքամարտ ու ջիու-ջիցու։ Հարցազրույցներից մեկում Շեյքը նշել է, որ երբ զայրացած արթնանում է, գնում է բռնցքամարտի, քանի որ ռինգն օգնում է իրեն արտահայտել էմոցիաներն ու հաղթահարել սթրեսը։ Ինչ վերաբերում է ջիու-ջիցուին, նա սիրում է փորձել շարժումների տարբեր համադրություններ, եւ այս մարտարվեստը նրան տալիս է նման հնարավորություն։
Ճամփորդելու ընթացքում Իրինան նույնպես մարզվում է։
Աղբյուրը՝ GraziaMagazine
Լուսանկարները՝ GettyImages