Netflix-ի համահիմնադիր Ռիդ Հասթինգսը լքում է գլխավոր տնօրենի պաշտոնը
23:15 20 հունվարի, 2023Netflix-ի համահիմնադիր Ուիլմոտ Ռիդ Հասթինգսը հեռանում է գլխավոր տնօրենի պաշտոնից՝ ստանձնելու ընկերության տնօրենների խորհրդի նախագահի պաշտոնը։ Գործարարի նամակը, որում հայտարարվել է այս մասին, հրապարակվել է ընկերության կայքում։
«Տնօրենների խորհուրդը եւ ես հավատում ենք, որ հիմա ճիշտ ժամանակն է ավարտելու իմ իրավահաջորդությունը... Առաջ գնալով ես կծառայեմ որպես տնօրենների խորհրդի գործադիր նախագահ»,- գրել է սթրիմինգային ծառայության հիմնադիրը։
Ռիդ Հասթինգսը Netflix-ի համահիմնադիրն է 1997 թվականից։ 1991 թվականին գործարարը հիմնել է Pure Software-ը, որը գործիքներ է ստեղծել ծրագրային ապահովման մշակողների համար։
Netflix-ը հիմնադրվել է 1997 թվականին եւ կենտրոնական գրասենյակը գտնվում է Կալիֆոռնիայի Լոս Գատոս քաղաքում։ 2013 թվականից նա թողարկել է իր սեփական ֆիլմերը, սերիալները եւ հեռուստահաղորդումները։
Լուսանկարը՝ Reuters