Բեյոնսեի Ivy Park բրենդը եւ Adidas-ը ցուցադրել են նոր համագործակցության լուսանկարները: Park Trail հավաքածուն ոգեշնչված է բացօթյա զբաղմունքներով, փողոցների ոգով եւ ապագայի հնարավորություններով՝ ըստ ապրանքանիշերի։ Հավաքածուն վաճառքում կհայտնվի փետրվարի 9-ին։ Այս մասին հայտնում է WWD-ն։
Այն ներառում է 56 հագուստ, տասներկու աքսեսուար եւ մեծահասակների համար նախատեսված կոշիկների երեք մոդել: Բոլոր տարրերը գենդերային չեզոք են: Կան նաեւ իրեր երեխաների համար՝ մեկ զույգ կոշիկ, չորս աքսեսուար եւ հագուստի տասներկու մոդել։
Հավաքածուում ներկայացված են կարճ տոպեր, սվիտերներ եւ գլխարկով ու բացվածքներով վերնաշապիկներ: Ներկապնակը ներառում է կանաչ, յուղալի սպիտակ, ինդիգո, նարնջագույն, մանուշակագույն եւ լայմ: Կամուֆլյաժային պրինտը հայտնվել է հավաքածուի մի քանի առանցքային իրերի վրա, այդ թվում՝ փայլերով բաճկոն, արհեստական մորթյա վերարկու եւ պարուսինից սպորտային կոստյում:
Բրենդները ներկայացրել են նաեւ Ivy Park TT2000 բասկետբոլային կոշիկը: Աքսեսուարներից՝ ուսապարկեր-տրանսֆորմատորներ, պայուսակներ ու գլխարկներ։
Բեյոնսեն չի մասնակցել հավաքածուի գովազդային արշավին։ Բայց դրանում նկարահանվել են Օֆսեթը եւ նրա որդին՝ Քոդին, մոդել եւ դերասանուհի Դեւոն Աոկին, երգիչ Ice Spice-ը, ամերիկացի ֆուտբոլիստ Դենի Ուեզերհոլտը եւ սքեյթբորդիստ Դիեգո Նահերան։