Քիմ Քարդաշյանը մասնակցել է Anastasia Beverli Hills ապրանքանիշի 25-րդ տարեդարձի խնջույքին (ֆոտո)
23:13 31 հունվարի, 2023Ամերիկահայ հեռուստաաստղ Քիմ Քարդաշյանն իր ինստագրամյան էջում լուսանկարներ է հրապարակել Anastasia Beverly Hills ապրանքանիշի 25-ամյակի միջոցառումից, որի ընթացքում նստել է հեռուստահաղորդավար Օփրա Ուինֆրիի եւ դերասանուհի Ջենիֆեր Լոպեսի կողքին։
View this post on Instagram
Հեռուստաաստղը լուսանկարներ է հրապարակել նաեւ ապրանքանիշի հիմնադիր Անաստասիա Սոարեի հետ։ Միջոցառմանը ներկա են եղել բազմաթիվ այլ հայտնի կանայք, այդ թվում Քիմ Քարդաշյանի մայրը՝ հեռուստաաստղ Քրիս Ջեները։
«Տոնում ենք «Anastasia Beverly Hills»-ի 25-րդ տարեդարձը, որը հիմնել է Անաստասիա Սոարեն։ Կանայք, ովքեր այս ճանապարհին Ձեր կողքին են եղել, հավաքվել են տոնելու։ Դուք ամերիկյան երազանքի մարմնացում եք եւ ավելի շատ հպարտանալ ձեզանով չեմ կարող։ Ձեզ նայելը լավագույն խորհուրդն է եւ Ձեր մասին բոլոր բարի խոսքերը պարզապես հիշեցնում են այն, ինչ արդեն գիտեի», -հրապարակմանը կից գրել է Քիմը։