Վարդերի փնջեր, ռոմանտիկ ընթրիքներ՝ տոնական ստանդարտ սցենար, որը դժվար թե հույզերի փոթորիկ առաջացնի: Բարձր ադրենալինի սիրահարների համար NEWS.am STYLE-ի խմբագրությունը պատրաստել է ժամանակ անցկացնելու 3 հետաքրքիր տարբերակ:
1.Քվեստ
Քվեստները կարող են լինել տարբեր ժանրերի՝ ոչ ստանդարտ վայրերում ու տարածքներում: Ընտրելով այսպիսի զբաղմունք՝ կկարողանաք հետաքրքիր անցկացնել ժամամանակը ինչպես երկուսով, այնպես էլ խմբով: Շատ քվեստներ հիմնված են հայտնի ֆիլմերի եւ սերիալների սյուժեների վրա՝ «Հարրի Փոթեր», «Ջոկեր», «Թղթե տունը» եւ այլն: Խճճված լաբիրինթոսում անցկացրած մեկ ժամը ձեզ կտեղափոխի հանելուկներով ու փորձություններով լի սենյակ: Որոշ սենյակներում նույնիսկ հնարավորություն կունենաք հանդիպել դերասանի կրկնորդին:
Ու՞ր գնալ. Quest project isolation / Yerevan Quest / Questomania
Արժեքը. 14.000-20.000 դրամ
2.Թռիչք օդապարիկով
«Երկնքից երեք մետր վեր» կամ այս դեպքում՝ ամպերից:
Զարմացրեք ձեր զուգընկերոջը տարբերվող նվերով՝ թռիչք օդապարիկով: Ծրագիրը տեւում է 4-5 ժամ: Խորհուրդ ենք տալիս այս տարբերակը հատկապես այն դեպքում, եթե ցանկանում եք ամուսնության առաջարկություն անել ձեր կեսին կամ նշել նշանակալի ամսաթիվ: Վայրէջքից հետո ձեզ սպասվում է հետաքրքիր արարողակարգ՝ օդագնացի սերտիֆիկատի հանձնում, ինչպես նաեւ հյուրասիրություն` շամպայն ու քաղցրավենիք:
Արժեքը. 85.000 դրամ - մեկ անձի համար (խմբային փաթեթ 8-12 անձ)
250.000 դրամ - անհատական փաթեթ 2-ի համար
3.Պարանով թռիչք, կիրճագնացություն եւ չմշկասահք (wild ice skating)
Պարանով թռիչքը, կիրճագնացությունը եւ չմշկասահքը նկարներ են, որոնք բոլորս պահել ենք Pinterest-ում: Վերջերս այդ ամենը հասանելի է դարձել նաեւ Հայաստանում։ Էքստրեմալ ժամանցը ոչ միայն շատ տպավորություններ կթողնի, այլեւ կօգնի մտերմանալ կողակցի հետ:
Այնուամենայնիվ, պետք է նշել, որ եղանակային փոփոխությունների պատճառով որոշ տարբերակներ կարող են անհասանելի լինել: Խորհուրդ ենք տալիս նախապես տեղեկանալ սիրահարների օրվա եղանակային պայմանների մասին, ինչպես նաեւ մանրամասները քննարկել կազմակերպիչների հետ։
Մեկ այլ հաճելի բոնուս՝ փետրվարի 14-ին կարող եք ստանալ 20% զեղչ:
Շրջագայությունների եւ ճանապարհորդությունների կազմակերպություն՝ Scream of soul
Արժեքը. 20.000-25.000 դրամ