Viktor & Rolf. ոտքից գլուխ եւ հակառակը (ֆոտո)
15:40 3 փետրվարի, 2023Viktor & Rolf-ի ցուցադրության սկզբում ոչ մի անակնկալ չէր սպասվում: Թվում էր՝ ամեն ինչ լինելու է գեղեցիկ, շքեղ ու ճոխ։ Առաջին զգեստները կարող էին գոհացնել հարսնացուին կամ նրա ընկերուհուն։ Բայց հետո դիզայներները ցուցադրեցին այնպիսի բան, որից գլխապտույտ կարող էր առաջանալ:
Նորաձեւության տունը մեզ տիպիկ պարահանդեսային զգեստները նոր հայացքից ներկայացրեց։ Այժմ մենք հաստատ գիտենք, որ շատ բան կախված է տեսանկյունից։ Պարզապես նայեք այն զգեստներին, որոնք մոդելները տանում են իրենց հետ։ Մի պահ տպավորություն է ստեղծվում, որ հագուստը իդեալական կերպով ընդգծում է կազմվածքը: Բայց ոչ, դա պարզապես քայլում է աղջկա կողքով:
Ճիշտ է, կային մոդելներ, որոնք ցանկացած տեսանկյունից անսովոր տեսք ունեին։ Դիզայներները շատ են խաղացել հանդերձանքների դասավորության եւ դրանց ֆիքսացիայի հետ։ Կարող էր տպավորություն ստեղծվել, որ ինչ-որ մեկի զգեստը պարզապես չի կոճկվել։
Viktor & Rolf-ը մեզ հնարավորություն տվեց նորովի նայել կարծրատիպային պարահանդեսային զգեստներին, մտածել եւ ժպտալ: Ի՞նչ եք կարծում, շատ աստղեր կհամարձակվեին այսպիսի անսովոր զգեստներով քայլել կարմիր գորգով։
Լուսանկարները՝ viktor-rolf.com