«Եվրատեսիլ 2022»-ում Հայաստանի ներկայացուցիչ, այժմ համաշխարհային շոու բիզնեում քայլեր կատարող Ռոզա Լինը բարեգործակսն նպատակով աճուրդի կհանի իր՝ Stop The Blockade (Դադարեցրեք շրջափակումը) գրությամբ բաճկոնը: Երգչուհին այն կրել էր ALT 98.7 FM-ի համերգին՝ ի աջակցություն ադրբեջանական շրջափակման մեջ հայտնված արցախցիների:
«Stop The Blockade գրությամբ իմ բաճկոնը նվիրաբերում եմ AGBU-ի (Հայկական բարեգործական ընդհանուր միություն (ՀԲԸՄ)) դրամահավաքին, այն աճուրդի կհանվի շաբաթ օրը: Վաճառքից գոյացած ամբողջ հասույթը կփոխանցվի Արաբկիրում գտնվող՝ AGBU-ի Երեխաների կենտրոնին»,-ինստագրամյան իր էջում հայտնել է Ռոզան:
Երգչուհին շարունակում է գրավել համաշխարհային նոր հարթակներ: Վերջերս Ռոզան նոր հարցազրույց է ունեցել ԱՄՆ-ում, որից փոքրիկ հատված տեղադրել է նաեւ իր էջում.
Посмотреть эту публикацию в Instagram
Հարցին՝ արդյոք երաժշտություն գրելն իր համար թերապիա՞ է, Ռոզան պատասխանել է,-«Այո, այդպես է. ես Snap-ը գրել եմ, երբ հոգեպես ինձ լավ չէի զգում, սիրտս կոտրվել էր ու կյանքս փոխվել էր մեկ օրում: Ես գրեցի Snap-ն, ու այն օգնեց ձերբազատվել բոլոր զգացողություններից. ես դեռ վատ օրեր էի ապրում, բայց ամենաճիշտ բանը դարձավ երգեր գրելն ու դրանք երգելը: Երբ բարկացած ես, ուզում ես գոռալ, եւ դա օգնում է: Երգելը նույն բանն է անում. այն, պարզապես, զայրույթը դուրս հանելու ավելի գեղեցիկ տարբերակ է»,-ասել է երգչուհին: