Երեք կերպար NEWS․am STYLE-ից՝ Սուրբ Վալենտինի օրվա համար (ֆոտո)
11:38 5 փետրվարի, 2023Տարվա ամենառոմանտիկ տոնին՝ Սուրբ Վալենտինի օրվան (փետրվարի 14) ընդառաջ հանդերձանք ընտրելու հարցը հուզում է գրեթե բոլոր աղջիկներին՝ առանց բացառության։ Գրավիչ կերպարից բացի միշտ անհրաժեշտ են դետալներ՝ ներքնազգեստ, արդուզարդ, աքսեսուարներ։ Այսօրվա ընտրանում NEWS․am STYLE-ը կազմել է հինգ ներդաշնակ համադրություն։
Փոքրիկ սեւ զգեստը միշտ շահեկան է՝ անկախ ժամադրության վայրից։ Ռեստորան, թատրոն, համերգ՝ այն ամենուր տեղին է։ Պարզ կերպարը կարելի է ավելի գայթակղիչ դարձնել մի քանի հավելումներով՝ ցանց զուգագուլպա, kitten heels սրածայր բարձրակրունկներ, փոքրիկ կլատչ, իսկ լուքն ամբողջացրեք պարզ փոքր օղակաձեւ ականջօղերով:
Զգեստը՝ Alex Retail, կոշիկները Zara, զուգագուլպաները՝ Wolford, կլաչ-տրանսֆորմերը՝ Soncess, ականջօղերը՝ 4tyseven Jewelry
Կոստյումները հիանալի այլընտրանք են զգեստներին: Առավոտյան կարելի է գնալ աշխատանքի, իսկ երեկոյան՝ մի երկու դետալ փոխելով, ռոմանտիկ ընթրիքի Պուշկինի փողոցի սրճարաններից մեկում։ Առաջարկում ենք ուշադրություն դարձնել գայթակղիչ կարմիր գույնին։ Կերպարի հետ հիանալի կհամադրվի մարգարտե չոկերը։
Կոստյումը՝ Muse Fashion, չոկերը՝ Avagyan, կոշիկները՝ Ellasi Shoes, պայուսակը՝ Jhangirian, տրենչը՝ Zara
Նրանց համար, ովքեր ցանկանում են սիրելիի հետ միայնակ մնալ տանը՝ ավելի ոչ պաշտոնական միջավայրում, խորհուրդ ենք տալիս ուշադրություն դարձնել մետաքսե գիշերազգեստներին: Բացի այն, որ դրանք հարմար են կրելու համար, գործվածքի թեթեւ փայլն անտարբեր չի թողնի ձեր սիրելիին։ Ուշ երեկոյի համար ընտրեք ներքնազգեստի գեղեցիկ հավաքածու՝ գերադասելի է ժանյակից:
Գիշերազգեստը՝ Shabeeg, գուլպաները՝ Alex Retail, ներքնազգեստը՝ KISA Lingerie