Մեր պատասխանը Չեմբերլենին. Սիրուն Մինաս VS Նաոմի Քեմփբել
19:16 4 փետրվարի, 2023Աշխարհահռչակ սուպերմոդել Նաոմի Քեմփբելին եւ թխամաշկ գեղեցկուհի, պլաստիկ վիրաբույժ Սիրուն Մինասին այժմ միավորում է ոչ միայն մաշկի գույնը, այլեւ սոցիալական ցանցերը։
«Սեւ Պանտերան» դարձել է Սիրուն Մինասի հետեւորդը, ինչով վերջինս ուրախությամբ կիսվել է իր Instagram-ի հետեւորդների հետ՝ ուղեկցելով զվարճալի պարով։
Էլ ի՞նչն է միավորում այս երկու կանանց
Նաոմի Քեմփբելը դարձավ առաջին սեւամորթ կինը, ով հայտնվեց ֆրանսիական Vogue-ի շապիկին ու առաջին սեւամորթ մոդելը՝ Time-ի շապիկին։ Սուպերմոդելը նաեւ միշտ պայքարել է սեւամորթ կանանց իրավունքների համար՝ օգտագործելով իր Fashion for Relief բարեգործական կազմակերպությունը:
Իր հերթին Սիրուն Մինասը Հայաստանում առաջին թխամաշկ կինն է, ով «celebrity» կարգավիճակ ունի։ Սիրուն Մինասի հայրը հայ է Հնդկաստանից, մայրը Նիգերիայից է։ Մինասը հայտնի դարձավ Stand Up շոուում իր ելույթներով, ինչպես նաեւ Woman's Club-ում իր մասնակցությամբ։ Բացի իր էկզոտիկ արտաքինից, Սիրուն Մինասը զարմանալի հումորի եւ ոճի զգացում ունի։
Այս հատկանիշների շնորհիվ, եւ ոչ միայն, նա շահեց հայ հասարակության համակրանքը։ Այժմ Մինասը, ով բացել է «Eden» էսթետիկ բժշկության եւ սպա կենտրոնը, ակտիվորեն ներգրավված է կանանց իրազեկման բարձրացմանը նպաստելուն, ինչպես խնամքի, այնպես էլ ինքնազարգացման հարցերում:
Մայրիկներ
Սիրուն Մինասը երկու երեխա ունի։ Նա հիանալի կերպով կարողանում է համատեղել կարիերան ու աշխատանքը։ Նաոմի Քեմփբելը 50 տարեկանում լույս աշխարհ է բերել իր առաջնեկին։ Նա վերջերս Instagram-ում կիսվել է Աբու Դաբիի Շեյխ Զայեդ Մեծ մզկիթում իր եւ դստեր լուսանկարներով։
Պարզապես գեղեցկուհիներ
Նրանք երկուսն էլ շատ տարբեր են, բայց, անշուշտ, նրանց գեղեցկությունը, խելքն ու սեքսուալությունը չեն կարող հիացմունք չառաջացնել։
Լուսանկարները՝ սոցցանցեր