Անգլիացի երգիչ եւ դերասան Հարրի Սթայլսը «Գրեմմի»-ի արարողության ժամանակ ուշադրության կենտրոնում էր ոչ միայն երկու մրցանակների, այլեւ էքստրավագանտ լուքի շնորհիվ։
One Direction-ի նախկին աստղը ներկայացել է վառ կոմբինեզոնով, որն ընդգծել է նրա մերկ կրծքավանդակն ու դաջվածքները: Սվարովսկու բյուրեղները կենդանացրել են առլեկինի գունագեղ կերպարը, իսկ կերպարն ամբողջական են դարձրել սպիտակ երկարաճիտները։
Չնայած Սայլսը հաճախ է կարմիր գորգուղիների համար լուքեր ընտրում Gucci-ից, սակայն «Գրեմմիի» կերպարը մշակել է Egonlab ֆրանսիական նոր ապրանքանիշը, որը հայտնի է իր «անսեռ» իրերով:
Սթայլսի հանդերձանքը բաժանել է սոցիալական ցանցերի օգտատերերին։ Ոմանք նշել են, որ նա կարող է բառացիորեն ամեն ինչ կրել, ոմանք էլ՝ կարծես թե մոռացել է իր բաճկոնը: Նրան համեմատել են նաեւ բրիտանական փոփ ամենահայտնի երկու կերպարների՝ Էլթոն Ջոնի եւ Դեւիդ Բոուիի հետ:
Կոմբինեզոնները դարձել են Սթայլսի այցեքարտը, ով դրանք պարբերաբար կրել է իր՝ «Love On Tour»-ի ժամանակ:
Լուսանկարները՝ ROBYN BECK//Getty Images