Եթերային եւ հարմարավետ․ 5 look, որոնք արտացոլում են Էթերի Ոսկանյանի ոճը (ֆոտո)
12:08 11 փետրվարի, 2023Նուրբ, բնական ու առանց ավելորդությունների՝ հենց այս հատկանիշներն ես մտաբերում, երբ խոսում ես հայկական հեռուստասերիալների աստղ Էթերի Ոսկանյանի մասին։ Դերասանուհին այս շրջանում նկարահանվում է «Երեք նամակ Բելլայից» բազմասերիանոց ֆիլմում, որտեղ կրկին չի դավաճանում իր ոճին։ NEWS.am STYLE-ը Էթերի Ոսկանյանի ինստագրամյան էջից առանձնացրել է 5 լուսանկար, որոնք լավագույնս արտացոլում են դերասանուհու ոճային նախապատվությունը։
Ակնհայտ է, որ Էթերին հարմարավետության սիրահար է։ Դերասանուհին հաճախ է լուսանկարներ հրապարակում, որոնցում հարմարավետ տաբատով ու թեթեւ տոպով է։ Չնայած ոճային զսպվածությանը՝ Էթերին չի խուսափում գույներից։ Իր կերպարները դերասանուհին հաճախ ամբողջացնում է վառ գույնի պայուսակով կամ այլ աքսեսուարներով։ Կոշիկների հարցում հարմարավետությունը եւս առաջին տեղում է․ Էթերիին հազվադեպ կտեսնեք բարձրակրունկներով։
Էթերին չի խուսափում, սակայն, եթերային թեթեւ զգեստներից։ Դերասանուհուն հաճախ կարելի է տեսնել ծաղկային պրինտով կամ, պարզապես, նուրբ երանգի որեւիցե զգեստով՝ թե առօրյա կերպարներում, թե ֆիլմերում։
Զսպվածությունը դերասանուհին պահպանում է նաեւ դիմահարդարման մեջ։ Նրան հազվադեպ կարելի է տեսնել ծանր կամ վառ արտահայտված make up-ով կամ վարսերի կտրուկ փոփոխությամբ։
