«Ո՞վ է նա»․ Քիմ Քարդաշյանի երկրպագուները կարծում են՝ հայուհին անճանաչելի տեսք ունի իր «նոր քթով ու այտոսկրերով» (ֆոտո)

Քիմ Քարդաշյանի երկրպագուները պնդում են՝ սոցիալական ցանցերում հրապարակված նոր լուսանկարներում աշխարհահռչակ հայուհին անճանաչելի տեսք ունի։

Hulu-ի աստղը մանրակրկիտ զննման կիզակետում է հայտնվել այն բանից հետո, երբ լուսանկարներում նկատվել են նրա «փոփոխված» քիթն ու «խորացած» այտոսկրերը:

Օրերս 42-ամյա Քարդաշյանի լուսանկարները հրապարակվեցին Messika զարդերի բրենդի ինստագրամյան էջում։ Skims-ի հիմնադիրը բրենդի նոր արշավի մասնակիցներից է․ լուսանկարներում նա կրում է բրենդի սրտաձեւ վզնոցը։ Կադրերում նրա դեմքը բավական սրացած տեսք ունի, իսկ ծնոտը չափազանց ընդգծված է։ Բացի այդ, Քիմի այտոսկրերը դեպի ներս են խորացած, ինչի պատճառով ավելի շեշտված են երեւում։ 

Թե համախոհները, թե քննադատները նկատել են, որ Քարդաշյանի դեմքն ակնհայտորեն փոխված է։ Reddit-ի ֆորումում բազմաթիվ մեկնաբանություններ են հայտնվել։ «Նրա դեմքի ձեւը, պարզապես, փոխվել է։ Իսկ դա այն է, ինչի համար նրան նախկինում գովերգում էին»,-ասվում է գրառումներից մեկում։ «Կարո՞ղ է ինչ-որ մեկը կողք-կողքի դնել եւ համեմատել նրա հին եւ նոր լուսանկարները։ Նա այնքան տարբեր է․․․»,-հարցրել է մեկ այլ օգտատեր։ 

Քննադատողներից շատերը մեղադրել են հեռուստաաստղին «ֆիլտրերի» ու «ֆիլլերների» չարաշահման մեջ։ Ոմանց կարծիքով՝ ծնոտի ֆիլլերը հայազգի աստղին «ծեր» տեսք է հաղորդել։ 

Թեեւ Քիմը չի խոստովանում, որ փոխել է ծնոտի տեսքը, ակնհայտ է, որ նա մանրակրկտորեն մշակում է իր լուսանկարները։ The Kardashians-ի էպիզոդներից մեկում նրա քույրը՝ Քլոեն, Մայամի կատարած ճանապարհորդության ընթացքում, նույնիսկ, բարկանում է նրա վրա, քանի որ Քիմը զվարճանալու փոխարեն անդադար լուսանկարներ էր հաստատում։  

Աղբյուրը՝ The Sun
Լուսանկարները՝ Instagram/MessikaJewelry, Getty, Instagram/KimKardashian