Գնել Ուլիխանյանը, Անի Երանյանը, Սոս Կարապետյանը եւ այլք` նոր սերիալում (վիդեո)
18:27 13 փետրվարի, 2023Գնել Ուլխանյանն ինստագրամյան իր հետեւորդներին հայտնել է, որ նկարահանվում է նոր հեռուստասերիալում։ Ամերիկաբնակ դերասանը սերիալի առաջին մանրամասները ներկայացրել է վլոգով, որտեղ պատմել է Լաս Վեգաս կատարած ուղեւորության մասին ու բացահայտել ֆիլմում իր խաղընկերներից մի քանիսին։
Посмотреть эту публикацию в Instagram
Նոր հեռուստասերիալը կոչվում է «Գործարք Vegas»-ում, ռեժիսորը Մհեր Խաչատրյանն է, իսկ պրոդուսերը՝ Սոս Կարապետյանը, որը նաեւ մարմնավորում է ֆիլմի հերոսներից մեկին։ Վլոգից պարզ է դառնում, որ սերիալում նկարահանվում են նաեւ Անի Երանյանն ու Արմեն Մարգարյանը։ Դերասանական ու ստեղծագործական կազմը նկարահանումների համար երեք օր անցկացրել է Վեգասում։ Դերասանը Instagram-ում հրապարակած հոլովակում նաեւ ցուցադրում է Վեգաս հասնելու ճանապարհն ու այն տեսարանը, որը բացվում էր հյուրանոցի պատշգամբից։
Գնելը տեղակացրել է, որ նկարահանումները «շատ հետաքրքիր են անցնում», իսկ Սոս Կարապետյանին կարողացել է բացահայտել նորովի։
Դերասանի հետեւորդներին, կարծես, դուր է եկել վլոգ նկարահանելու նրա մտադրությունը։ Մեկնաբանություններից պարզ է դառնում, որ Գնելին կրկին ցանկանում են տեսնել էկրաններին։
Լուսանկարները՝ Գնել Ուլիխանյանի, Անի Երանյանի եւ Սոս Կարապետյանի ինստագրամյան էջերից