MSCHF արտ-կոլեկտիվի կողմից ստեղծված հսկայական կարմիր երկարաճիտ կոշիկները խենթացրել են սոցիալական ցանցերը։ Վիրուսային դարձած ծիծաղելի կոշիկներից անհնար է թաքնվել։
Ինֆլուենսերները դրանք ոճավորել են Նյու Յորքի նորաձեւության շաբաթվա համար: Եվ դրանք դարձան մեմեր ստեղծելու անսահման հնարավորությունների հերոսները։ MSCHF արտ-կոլեկտիվը ստեղծել է կատակերգական մեծ չափսերով կարմիր կոշիկներ՝ ոգեշնչված մուլտհերոս Astro Boy-ից:
Styling the MSCHF big red boots like he was born to wear them pic.twitter.com/BHXgNUmK9X
— Dan Hastings-நாராயணன் (@notdanhastings) February 9, 2023
Բրենդը նախկինում նման հնարքներ արդեն արել է։ Օրինակ՝ Lil Nas X-ի հետ ստեղծել է Nike-ի կեղծ՝ «Satan Shoe» եւ պատռել է Hermès Birkin շքեղ պայուսակները, որպեսզի «Birkinstocks» կոչվող սանդալներ ստանան։ Կարմիր գույնի մեծ երկարաճիտները վիրուսային կոշիկների նրանց վերջին փորձն է։
LMFAAAAAAOOOOOOO pic.twitter.com/H7b5gbTfpI
— bevin (@Kevchesterr) February 8, 2023
Ծիծաղելի կոշիկները պաշտոնապես կհայտնվեն MSCHF-ի կայքում փետրվարի 16-ին: Չնայած 350 դոլար գնին, ապրանքն արդեն դարձել է սոցիալական մեդիայի գլխավոր հերոսը: #Bigredboots-ը TikTok-ում չորեքշաբթի օրվա դրությամբ ունի 25,8 միլիոն դիտում։ «Ես մղձավանջ տեսա։ Ինձ հետեւում էին այս մեծ կարմիր կոշիկները», - գրել է Twitter-ի օգտատերերից մեկը:
Համաճարակի պայմաններում տարիներ շարունակ գործնական հագուստից հետո նորաձեւությունը կարծես թե մտնում է իր անմիտ դարաշրջանը: Վերջերս «Գրեմմի» մրցանակաբաշխության ժամանակ Հարի Սթայլսը կրում էր EgonLab նոր ապրանքանիշի շլացուցիչ կոմբինեզոնը: Տասը օր առաջ Dodja Cat-ը նստած էր Փարիզում Viktor and Rolf-ի կուտյուրային ցուցադրության առաջին շարքում (որը ներկայացնում էր գլխիվայր շրջված զգեստներ) թարթիչների երկարացումից պատրաստված ինքնաշեն բեղերով: Իսկ Միլանում տղամարդկանց հագուստի ցուցադրության ժամանակ բրիտանական JW Anderson լեյբլը միավորվել է Wellipets ապրանքանիշի կոշիկների հետ՝ ստեղծելով գորտի դեմքով մյուլիներ, նշում է CNN-ը:
MSCHF-ը հաճախ հակասում է կոնվենցիային՝ հնարքներ անելով կամ թողարկելով տեսությանը հակասող իրեր: Բայց, այս դեպքում, Big Red Shoes-ը թափ է հավաքում: