Լոնդոնում մեկնարկել է Նորաձեւության շաբաթը

Ողջ աշխարհից նորաձեւությունն ամերիկյան մայրցամաքից տեղափոխվել է եվրոպական։ Էքստրավագանտ հանդերձանքները Somerset House եւ Soho-յում հայտնվում են տարին երկու անգամ՝ փետրվարին ու սեպտեմբերին: Հատկանշական է, որ ի տարբերություն իր հարեւանների (Փարիզ եւ Միլան), բրիտանական մայրաքաղաքում ավելի շատ են սիրում էքսպերիմենտներ անել ֆակտուրային իրերի հետ, որոնք դժվար է դասական անվանելը։ Չնայած պետք է նշել, որ այստեղ է հիմնված առանցքային հեղինակավոր նորաձեւության տներից մեկը՝ Burberry-ն։

LFW-ի աշուն/ձմեռ 2023-ի իրենց նոր հանդերձանքները կներկայացնեն Մոլլի Գոդարդը, Սիմոն Ռոչան, Պեմ Հոգը, Ջ. Վ. Անդերսոնը, Քրիստոֆեր Քեյնը, Ջուլիեն Մակդոնալդը, Փոլը եւ Ջոն: Այս տարի ուշադրության արժանի շոուները ներառում են Փոլ Կոստելլոյի, Բորա Ակսուի եւ Հուիշան Ճժանի ցուցադրությունները, որոնց դեբյուտը տեղի կունենա այսօր։

Այս սեզոնի մի շարք միջոցառումներ նվիրված կլինեն հանգուցյալ Վիվիեն Վեսթվուդին, ով տասնամյակներ շարունակ հայտնի է ամբողջ աշխարհում որպես Մեծ Բրիտանիայի լավագույն դիզայներներից մեկը:

Օքսֆամը նաեւ հատուկ շոու կանցկացնի: Դրա նպատակն է հասարակության ուշադրությունը գրավել կայուն զարգացման եւ շրջակա միջավայրի բարեկեցության թեմայի վրա:

Երեքշաբթի՝ փետրվարի 21-ին, Լոնդոնում կանցկացվի նաեւ ուկրաինական նորաձեւության շաբաթ, որին կներկայացնեն երեք ուկրաինացի դիզայներներ՝ Ֆրոլովը, Քսենիաշնեյդերը եւ Պասկալը։

Vogue-ը եւ Snapchat-ը միավորվել են նոր ցուցահանդեսի համար, որը վարում է բրիտանական Vogue-ի գլխավոր խմբագիր Էդվարդ Էննինֆուլը: Ցուցահանդեսը ցույց է տալիս, թե ինչպես ընդլայնված իրականությունը կարող է առաջ մղել ֆիզիկական նորաձեւության ոլորտը: