Make up-ի 2023 թ-ի «Այո»-ներն ու «Ոչ»-երը․ 3 թրենդ եւ 3 հակաթրենդ՝ ըստ ԱՄՆ-ում բնակվող աստղային դիմահարդար Էնջի Ղարիբյանի (ֆոտո)
20:03 17 փետրվարի, 2023Գեղեցիկ ու թրենդային է այն, ինչն, առաջնահերթ, սազում է կրողին։ Սա, իհարկե, նորաձեւության ամենակարեւոր կանոններից է։ Բայց այս մշտական թրեդին զուգահեռ՝ ամեն տարին թելադրում է իր միտումները՝ ինպես հագուստի, այնպես էլ վարսահարդարման ու դիմահարդարման մեջ։ Այսօր անդրադարձել ենք դիմահարդարման նորաձեւությանը։
Լոսանջելեսաբնակ աստղային դիմահարդար Էնջի Ղարիբյանը, որն աշխատում է այնպիսի հայտնիների հետ, ինչպիսիք են՝ ամերիկացի դերասանուհի Ջեննի ՄքՔարթին, Destiny's Child խմբի նախկին անդամ, երգչուհի Միշել Ուիլյամսը, ինչպես նաեւ՝ Իվետա Մուկուչյանը, հատուկ NEWS.am STYLE-ի ընթերցողների համար առանձնացրել է դիմահարդարման այս տարվա «այո»-ներն ու «ոչ»-երը։ Այլ կերպ ասած՝ խոսել ենք թրենդների եւ հակաթրենդների մասին։
Էնջին առանձնացրել է դիմահարդարման 3 միտում, որոնք նորաձեւ են 2023-ին, եւ 3-ը՝ որոնք դորս են եկել «մոդայից»։
Ցուրտ եղանակներին, դիմահարդարը նախընտրում է մուգ երանգները․ «Մուգ կարմիր շուրթերը, մուգ նարնջագույնը, շագանակագույնի բոլոր երանգները։ Անձնամբ ես սիրում եմ անել մուգ շագանակագույն շուրթեր եւ smokey eyes՝ կրկին շագանակագույն երանգներով։ Առհասարակ կարծում եմ՝ մուգ երանգները հիմա թրենդային են, եւ յուրաքանչյուրը կարող է ընտրություն կատարել իր սիրելի գույնի մեջ։ Ես նաեւ նախընտրում եմ ընդգծված շուրթեր, թույլ հարդարված մաշկ ու միայն թարաթչաներկ աչքերին»,-նշել է Էնջին։
3 թրենդ՝ ըստ Էնջի Ղարիբյանի
Ընդգծված շուրթեր
Կատվային աչքեր
Շատ կարմրաներկ
3 միտում, որոնք, այլեւս, անտիթրենդ են համարվում
«Ապակյա» մաշկ
Գունաթափված հոնքեր
Փայլերով աչքեր
Սյունե Առաքելյան
Լուսանկարները՝ PInterest, Allure եւ Էնջի Ղարիբյանի ինստագրամյան էջից