Երիտասարդ դերասանուհի Ջեննա Օրտեգային մեծ ճանաչում բերեց Netflix-ի Wednesday հեռուստասերիալում համանուն հերոսուհու դերը։ Մինչ «Չորեքշաբթի» անունը կրող դպրոցահասակ աղջնակը սիրում է իրեն շրջապատել մռայլ ու սեւ գույներով, 20-ամյա Օրտեգան կարմիր գորգերին փորձել է ամենատարբեր երանգները։
Չնայած դերասանուհուն այսօր ասոցացնում են հիմնականում լրջադեմ Ուենսդեյի հետ, իրականում ժպտադեմ Ջեննան, կինոինդուստրիայում բավական լուրջ քայլեր ունի։ Իր առաջին կերպարին դերասանուհին մարմնավորել է երեխա հասակում՝ The CW-ի «Կույս Ջեյնը»/Jane the Virgin հեռուստասերիալում՝ խաղալով մանուկ Ջեյնին։ Ջեննան զգալի դեր է ունեցել նաեւ Netflix-ի մեկ այլ հեղինակավոր՝ «Դու»/You հեռուստասերիալում, որտեղ մարմնավորել է Էլլի Ալվեսին, իսկ 2022-ին հայտնվել եւս երկու ֆիլմերում՝ «Ճիչ»/Screm եւ X: Մի խոսքով՝ ամերիկացի դերասանուհին կարմիր գորգերի պակաս երբեք չի ունեցել։
Հենց այս հարթակում էլ Ջեննան դրսեւորվել է ամենատարբեր կերպարներում՝ total black-ից մինչեւ ամենավարդագույն երանգներ։ Նկատելի է, որ 1 մ․ 55 սմ․ հասակով դերասանուհին իր կերպարները պարտադիր ամբողջացնում է բարձրակրունկներով։ Նա, հիմնականում, նախընտրում է կոշտ կոշիկները, որոնք զգալի բարձրություն են հաղորդում իր look-երին։
NEWS.am STYLE-ն առանձնացրել է հոլիվուդյան ծագող աստղից տասը կերպար, որոնք ընդգծում են դերասանուհու ոճը։
Լուսանկարները՝ Frazer Harrison, Gregg Deguire, Axelle/Bauer-Griffin, Kevin Mazur/GettyImages, Michael Tran, Tommaso Boddi, Leon Bennett, Amanda Edwards, Jason Laveris