Ռիո դե Ժանեյրոյում մեկնարկել է աշխարհի ամենամեծ դիմակահանդեսը

13:45   19 փետրվարի, 2023

Ռիո դե Ժանեյրոյում պաշտոնապես մեկնարկել է աշխարհի ամենամեծ դիմակահանդեսը։ Քաղաքապետ Էդուարդո Պաեսը խորհրդանշական կերպով քաղաքի բանալին է հանձնել «Մոմո արքա»-յին՝ ուրախ «միապետին», որը «կառավարելու է» Ռիոն քառօրյա դիմակահանդեսի ընթացքում։

Rio Carnival.jpg (76 KB)

Պաշտոնական տոնակատարություններն իրենց գագաթնակետին կհասնեն կիրակի եւ երկուշաբթի երեկոյան թմբուկների ու սամբայի հնչյունների ներքո: Պաշտոնական անձինք ակնկալում են, որ ամեն երեկո ավելի քան 70,000 մարդ կհավաքվի «Սամբադրոմում»: Միլիոնավոր մարդիկ ուղիղ եթերում դիտելու են այն։ Իսկ փողոցային հարյուրավոր տոնախմբություններին սպասվում է, որ կմասնակցեն ավելի քան հինգ միլիոն մարդ:

Rio Carnival5.jpg (43 KB)

Ծագումով Ռիոյի աղքատ ֆավելաներում՝ սամբայի դպրոցները հավաքում են հազարավոր պարողների, երգիչների, թմբկահարների եւ ավտոշարասյունների՝ պատմելու ընտրված թեմայով պատմություն՝ պայքարելով ժյուրիին տպավորելու համար:

Rio Carnival4.jpg (65 KB)

Շատ դպրոցներ վերադառնում են իրենց արմատներին՝ ընտրելով թեմաներ՝ կապված սամբայի ժանրի հիմնադիրների, աֆրո-բրազիլական մշակույթի, որից այն ծագել է, եւ Բրազիլիայի հյուսիս-արեւելքում՝ աղքատ շրջան, որտեղ գերակշռում են սեւամորթներն ու խառը ռասաները:

Rio Carnival6.jpg (75 KB)

Քաղաքի հաշվարկներով՝ դիմակահանդեսը տեղական տնտեսությանը կբերի 4,5 միլիարդ ռեալ (880 միլիոն դոլար): Ակնկալվում է, որ հյուրանոցների զբաղվածությունը կգերազանցի 95 տոկոսը:

Rio Carnival2.jpg (53 KB)

Քաղաքը տեղադրել է 34000 շարժական զուգարան հասարակական վայրերում եւ տեղակայել սանմաքրման աշխատողների մի փոքր բանակ, որոնք սովորաբար մաքրում են մոտ 1000 տոննա աղբը:

«Բլոկաո»

Հարյուրավոր շներ հաչում եւ թափահարում էին իրենց պոչերը սամբայի երաժշտության ներքո՝ քայլելով ընտանի կենդանիների սիրահարների առջեւ՝ շների հագուստի մրցույթում:

Brazil_1.jpeg (63 KB)

«Blocao»-ն՝ «blocko»-ի խառնուրդ է, որը վերաբերում է փողոցային դիմակահանդեսային երեկույթներին, եւ «sao»-ի կամ պորտուգալերենով շուն, Ռիոյի Բարրա-դա-Տիժուկայում հավաքել է մոտ 300 մարդ: Շների զգեստները տատանվում էին փերիներից եւ սուպերհերոսներից մինչեւ ծաղրածուներ ու մուլտհերոսներ:

Brazil_2.jpeg (46 KB)

Բլոկաոն այն սակավաթիվ իրադարձություններից մեկն է, որն անցած տարի ձեռնոց նետեց քաղաքի փողոցային երեկույթների արգելքին՝ COVID-19 համաճարակի պատճառով: Սա տեղի է ունենում մոտ 20 տարի։

Բլոկաոի կազմակերպիչ Մարկո Անտոնիո Վիեյրան ասել է, որ մտադրություն չունի ընտանի կենդանիներին մարդկայնացնել վերը նշված շքերթով ու մրցույթով, որն ընտրում է լավագույն հնգյակը: «Երեսուն տարի առաջ նրանք ապրում էին մեր բակում, հիմա ապրում են մեր անկողնում։ Նրանք ուրախ են, որ տիրոջ հետ են։ Երբ շունը տեսնում է իր տիրոջը երջանկանում է»,- ասել է Վիեյրան։

Լուսանկարները՝ Reuters, AFP, AP

Տեսանյութը՝ Mr Movie Store YouTube-յան ալիք



© NEWS.am STYLE