Սերենա Ուիլյամսը փորձել է առնետով վախեցնել Ալեքսիս Օհանյանին, սակայն նա անգամ աչքը չի թարթել

Սերենա Ուիլյամսը պատմել է, թե ինչպես է փորձել առնետով վախեցնել ամուսնուն՝ Ալեքսիս Օհանյանին իրենց առաջին հանդիպման ժամանակ։ Այս մասին գրում է Daily Express-ը։

Reddit-ի համահիմնադիրն ամուսնացել է Մեծ Սաղավարտի մենախաղի 23-ակի չեմպիոնի հետ 2017 թվականին: Զույգն ունի երեք տարեկան դուստր՝ Օլիմպիան։

Ալեքսիսն ու Սերենան ծանոթացել են դրանից երկու տարի առաջ Հռոմում, երբ երկուսն էլ հանգրվանել են Հռոմի Cavalieri հյուրանոցում։ Սակայն դա սեր չէր առաջին հայացքից։

Հիշելով ապագա ամուսնու հետ առաջին հանդիպումը՝ Ուիլյամսը Vanity Fair-ին ասել է. «Այս մեծ տղան ներս է մտնում եւ պարզապես ընկնում է մեր կողքի սեղանի մոտ, եւ ես ասում եմ։ Շուրջը շատ սեղաններ կան, բայց նա հենց այստե՞ղ է նստել։

Ուիլյամսն ու նրա ընկերները փորձել են ստիպել նրան տեղափոխել դատարկ սեղաններից մեկը եւ նույնիսկ ասել են, որ իր կողքին առնետ կա: Սակայն Ալեքսիսին դա չի շփոթեցրել։ Օհանյանը պատասխանել է. «Ես Բրուքլինից եմ: Ես անընդհատ առնետներ եմ տեսնում», ինչին Սերենան պատասխանել է. «Ահ, դու առնետներից չե՞ս վախենում»:

Դրանից հետո Ուիլյամսն իր սեղանի շուրջ է հրավիրել Reddit-ի հիմնադիրին։

Ավելի ուշ Ուիլյամսը Օհանյանին հրավիրել է Փարիզ հանդիպման, որից հետո կայացել է առաջին ժամադրությունը։

2016-ի վերջին Օհանյանը ամուսնության առաջարկություն է արել նույն հյուրանոցում, որտեղ նրանք հանդիպել էին Հռոմում՝ երկու հոգու համար ռոմանտիկ ընթրիքի ժամանակ՝ լողավազանի մոտ։

«Մի օր ես միլիարդատեր կդառնամ, բայց մարդկանց մեծամասնությունը դեռ կճանաչի ինձ որպես Սերենայի ամուսին (կամ Օլիմպիայի հայր), եւ դա ինձ հարմար է», - 2021 թվականին ասել է Օհանյանը։