Քորթնի Քարդաշյանն Instagram-ում գովազդում է իր Lemme ծամվող վիտամինները։ Երեք երեխաների 43-ամյա մայրը լուսանկարում հայտնվել է տրիկոտաժե կապույտ կարդիգանով՝ համադրված թափանցիկ ժանյակավոր կիսաշրջազգեստով։
Քորթնին, ով վերջերս ծաղրել էր իր ապրանքանիշի քննադատությունը, ապրանքը գովազդելու համար օգտագործել է իր սեքսուալությունը։ Նա որոշ լուսանկարներում սադրիչ կեցվածք է ընդունել։ Քորթնին իր հանդերձանքը համալրել է մինչեւ ծնկներին հասնող մուգ գուլպաներով եւ մի զույգ մանուշակագույն կոշիկներով:
Մաստակի տարան ստրատեգիականորեն տեղադրված է եղել լուսանկարներում՝ տարբեր կադրերում հայտնվելով հատակին եւ նրա ձեռքին։ Կադրերից մեկում Քարդաշյանն ատամներով սեղմում է մաստակը։
Այնուամենայնիվ, որոշ երկրպագուներ չեն գնահատել նրա գովազդային ջանքերը եւ անկաշկանդ քննադատել են ֆոտոշարքը:
«Լուսանկարներից որոշներն իսկապես տարօրինակ են՝ հաշվի առնելով այն ապրանքը, որոնք նրանք գովազդում են», - նկատել է մեկը: Մեկ ուրիշը նրան խորհուրդ է տվել այլ ոճաբան գտնել։ «Ինչո՞ւ են Քարդաշյաններն այդքան սեքսուալ գովազդում իրենց արտադրանքը։ Սրանք մաստակներ են, ոչ թե ներքնազգեստ»,- նշել է մեկ ուրիշը։
Քորթնիի ծամվող վիտամինները սկանդալի կենտրոնում են հայտնվել «հեշտոցի առողջության» վիտամինների թողարկումից հետո:
Ըստ Lemme կայքի՝ մաստակը պարունակում է «կլինիկորեն ուսումնասիրված պրոբիոտիկներ՝ [հեշտոցի] համը, հոտը եւ թարմությունը պահպանելու համար՝ արքայախնձորի էքստրակտով՝ լրացուցիչ քաղցրության համար»:
The Daily Show-ի համահաղորդավար Չելսի Հենդլերը հաղորդման հատվածներից մեկում այս թեման քննարկել է հյուրերի հետ։ Նա եւ մյուս արտիստները ծաղրել են արտադրանքը։
Գինեկոլոգները նաեւ նախկինում քննադատել են Քորթնիին մաստակ ծամելու համար՝ պնդելով, որ չկան գիտական ապացույցներ, որ նրանք աշխատում են, եւ առողջական խնդիրներ ունեցող մարդկանց կոչ են անում դիմել բժշկի, քան վստահել հայտնիների արտադրանքին: