Լեգենդար KISS ռոք խումբը կմեկնի իր վերջին համերգային շրջագայությունը: Գլեմ-ռոքի վետերաններն այս մասին հայտարարել են The Howard Stern Show-ում ելույթի ժամանակ:
Հրաժեշտի համերգները նախատեսված են դեկտեմբերի սկզբին Նյու Յորքում։ «Սա խմբի վերջին երկու համերգներն են։ Մենք ավարտում ենք այնտեղ, որտեղ սկսել ենք»: Մինչ այդ, KISS-ը եւս 17 համերգ կանցկացնի ԱՄՆ-ում եւ Կանադայում՝ որպես End of the Road համաշխարհային շրջագայության մի մաս, ներառյալ կանգառները Լոս Անջելեսում, Սիեթլում, Կալգարիում, Մոնրեալում, Տորոնտոյում եւ Բալտիմորում:
Հիմնադիր անդամ Ջին Սիմոնսն ասել է՝ համոզված է, որ անհանգստացած կլինի վերջին շոուների ժամանակ: «Ես շատ եմ կատակում այն մասին, թե տղամարդիկ այդպես չեն վարվում», - հավելել է նա: «Համոզված եմ, որ 9-ամյա աղջկա պես, ում ոտքը տրորել են, լաց եմ լինելու։ KISS-ը ծնվել է 23-րդ փողոցում։ Մեզնից ընդամենը 50 տարի պահանջվեց մեր վերջին շոուներն անցկացնելու համար՝ 10 թաղամաս այն կողմ 33-րդ փողոցում, որը Մեդիսոն Սքուեր Գարդենն է»: