Քիմ Քարդաշյանի հինգ ամենահայտնի նմանակները

21:20   6 մարտի, 2023

Քիմ Քարդաշյանը դարձել է ոճի կուռք։ Աշխարհը խենթանում է նրա սեքսուալ բարեմասնությունների համար, ամսագրերն ուշադիր հետեւում են, թե ինչ է հագնում աստղը, քանի որ ամեն ինչ կայծակնային արագությամբ թրենդ է դառնում։ Շատերն այնքան են ցանկանում նմանվել նրան, որ պատրաստ են ամեն ինչի՝ իրենց կուռքին «մոտ» լինելու համար։ NEWS.am STYLE-ը ներկայացնում է հայտնի հայուհու նմանակներին, որոնք նրան նման են ինչպես երկվորյակ քույրեր։

Սոնյա Ալի

Դիմահարդար եւ բլոգեր, որն առավել հայտնի է իր քրոջ՝ Ֆիզայի հետ համագործակցությամբ soniaxfyza Instagram-ում։ Այն ունի 1,3 միլիոն հետեւորդ: Իրավագիտություն է սովորում։

Նա եւ իր ավագ քույրը ծնվել են Լոնդոնում՝ մահմեդական ընտանիքում։ Կարիերայի համար տեղափոխվել է Դուբայ:

Կամի Օսման

Երգչուհի Կամի Օսմանն իրեն անվանում է Քիմի «Walmart տարբերակը»։

Նա մի անգամ հայտնվել է Քարդաշյան ռեալիթի շոուում՝ Քիմին իրական կյանքում հանդիպելու համար։

Չեյնի Ջոնս

Մոդել եւ Քիմ Քարդաշյանի նախկին ամուսնու՝ Քանյե Ուեսթի նախկին սիրուհին։ Չեյնին եւ Քանյեն հանդիպել են մի քանի ամիս ու իրենց հարաբերություններն ավարտել են անցած հունիսին։

Առցանց օգտատերերը Ջոնսին անվանել են «Քիմ Քարդաշյանի պատճեն»։

Թենի Փանոսյան

Հայուհին նաեւ հավակնում է նմանվել իր հայտնի հայրենակցուհուն։ Բլոգերը հատկապես նմանվում է Քարդաշյաններին, երբ հավաքում է մազերը եւ  քոնթուրինգ ու smoky eyes անում։

Ջենիֆեր Պալոնա

Բրազիլացի մոդելը հայտնի է դարձել այն բանից հետո, երբ ավելի քան կես միլիոն դոլար է ծախսել Քիմին նմանվելու համար։

Հետո մտափոխվել է ու 100 հազար ներդրում է արել, քանի որ «նեղվել էր» նրանից, որ բոլորն իրեն հայի հետ են համեմատում։



© NEWS.am STYLE