Իվետա Մուկուչյանը՝ կանացիության, ուժի եւ թույլ կողմերի մասին․ երգչուհու համերգը՝ «Երեւան պարկ»-ում (վիդեո)

20:05   9 մարտի, 2023

Ցանկացած կին պետք է լինի ուժեղ, բայց դրան զուգահեռ՝ պահպանի իր կանացիությունը՝ կարծում է երգչուհի Իվետա Մուկուչյանը, որը երեկ՝ Մարտի 8-ին, ելույթ ունեցավ «Երեւան պարկ»-ում։

Մինչ համերգի մեկնարկը NEWS.am STYLE-ը հանդիպել է երգչուհուն, զրուցել նրա հետ հույզերի, ուժեղ ու թույլ կողմերի եւ կանանց մասին այլ հարցերի շուրջ։ 

«Շատ կարեւոր է, որ ուժեղ լինելով չմոռնանք նաեւ մեր կանացի կողմերը։ Այդ ուժը միշտ էլ կա, բայց ես շատ հանգիստ եմ դարձել։ Հիմա ավելի շատ կանացիությունն է շեշտադրված։ Կարծում եմ՝ ինձ հետ հեշտ չէ, քանի որ ես պերֆեկցիոնիստ եմ։ Բայց դիմացինին պետք է ընդունես այնպիսին, ինչպիսին՝ նա կա, ու չմոռանանք, որ յուրաքանչյուրիս ճիշտը պարտադիր չէ, որ մեկ ուրիշի ճիշտը լինի»,-ասում է Իվետան։ 



Ի՞նչ է ուզում կինը. երգչուհուց հետաքրքրվել ենք նաեւ կանանց մասին ամենահաճախ հնչող հարցերից մեկի շուրջ:

«Կինն ուզում է լիարժեք իրեն կին զգալ։ Հայ կանայք, նամանավանդ, շատ ուժեղ են, այնքան դժվար օրեր են տեսել, բայց սովոր են լինել ուժեղ, նվիրվել ընտանիքին, բոլորին․ բայց պետք է նաեւ իրենք իրենց չմոռանան։ Մաղթում եմ բոլոր կանանց ներքին երջանկություն, առողջություն, որ միշտ սիրված լինեն ու հիշեն, որ իրենք լավն են, գեղեցիկ են ու կարեւոր»։

Երգչուհու հիթային համերգն ու նրա հետ մեր զրույցն ամբողջությամբ դիտեք NEWS.am STYLE-ի վիդեոռեպորտաժում։

Սյունե Առաքելյան
Հայկ Տոնոյան
Լուսանկարները՝ Արսեն Սարգսյանի



© NEWS.am STYLE