Շերոն Սթոունն իր ծննդյան օրը երկրպագուներին ստիպել է ծիծաղել «հոլիվուդյան բոտոքս» շուրթերով
14:17 12 մարտի, 2023Մարտի 10-ին Շերոն Սթոունը դարձավ 65 տարեկան։ Այս առիթով աստղը սոցցանցերում լուսանկարներ է հրապարակել, որոնցում նա ներկայացել է անսովոր կերպարանքով՝ արձակված մազերով, խալաթով եւ ակնոցով։ Սակայն ամենից շատ երկրպագուների ուշադրությունը գրավել են հսկայական կեղծ շուրթերը, որոնք բոտոքսի կամ շուրթերի մեծացման այլ ներարկումների նմանակում են։
«Վերջապես ես դա արեցի: Նոր տարի մուտք եմ գործել հոլիվուդյան ոճով։ Երբեմն ստանում ես հենց այն, ինչի մասին երազում ես»,- հրապարակումը մակագրել է Շերոնը։
Դերասանուհու բաժանորդները, ով հայտնի է բնական ծերացման հանդեպ իր հավատարմությամբ, հիացել են նրա կատակով։ «Լրիվ բնական տեսք ունի», -գրել է օգտատերերից մեկը։ Եղել են նաեւ այսպիսի մեկնաբանություններ. «Սկզբում ես չէի հասկանում, թե ինչու է Շերոն Սթոունը հրապարակում Քորթնի Լավի լուսանկարները», «Աստված իմ, ես հինգ վայրկյան խուճապի մատնվեցի, սա չափազանց ծիծաղելի է», «Մի ստիպեք այսքան ծիծաղել, բոտոքսս չի դիմանա»։