Մինչ արքայազն Հարրիին հանդիպելը, Մեգանը ոչ միայն նկարահանվել է ֆիլմերում եւ հեռուստաշոուներում, այլեւ հոդվածներ է գրել իր The Tig բլոգի համար։ Երեք տարի անց Մեգան Մարքլը «լքեց» իր հոբբին։ Սակայն դքսուհին մտադիր է վերադառնալ։ Ինչպես նշում է The Mirror-ը, նա ստացել է հարթակը վերականգնելու պաշտոնական թույլտվություն։
Ասում են, որ Մեգանը կրկին գրում է իր ճանապարհորդությունների մասին, կիսվում բաղադրատոմսերով, հրապարակում հանդերձանքները եւ պատմում իր կյանքի մասին: Իսկ ոմանք պնդում են, որ նա նախատեսում է նաեւ անձնական թեմաներով հոդվածներ հրապարակել ու խորհուրդներ տալ «հարաբերությունների ոլորտում»։ Եթե դա ճիշտ է, ապա դքսուհու բլոգը հայտնիություն կունենա։
Ըստ արեւմտյան մամուլի՝ կայքը կգործարկվի հաջորդ շաբաթ։ Ինսայդերներն ասում են, որ Մեգանը հույս ունի մրցակցել մեգա-հաջողակ Goop-ի հետ, որը պատկանում է Գվինեթ Փելթրոուին: