Արքայազն Ուիլյամը հայտարարել է, որ իր մայրը դժգոհ կլիներ անօթեւանների չլուծված հարցից

Արքայազն Ուիլյամը կարծում է, որ իր հանգուցյալ մայրը՝ արքայադուստր Դիանան, կտխրեր, որ ավելի շատ առաջընթաց չի գրանցվել անօթեւանության դեմ պայքարում: Այս մասին գրում է People-ը։

Ուելսի արքայազնին անօթեւանների վիճակը ներկայացվել է շնորհիվ արքայադուստր Դիանայի, որը նրան եւ իր եղբորը՝ արքայազն Հարրիին, տարել է ապաստարաններ։

«Մայրս ինձ ծանոթացրել է անօթեւանության խնդրին բավականին վաղ տարիքից, եւ ես շատ ուրախ եմ, որ նա ներկայացրեց: Կարծում եմ, որ նա հիասթափված կլինի, որ մենք դեռ ավելին չենք հասել անօթեւանության դեմ պայքարի ու կանխարգելման հարցում, քան երբ նա հետաքրքրված եւ ներգրավված էր դրանում», - ասել է արքայազն Ուիլյամը Comic Relief բարեգործական կազմակերպության կողմից պատրաստված կարճ տեսանյութում:

Արքայազն Ուիլյամն այցելել է Graundswell բարեգործական կազմակերպություն, որն աջակցում է Comic Relief-ին եւ նրանց հետ փոդքաստ է ձայնագրել:

Ուելսի արքայազնն ասում է, որ եկել է «ծանոթանալու» երկու մարդկանց՝ Նավշինայի եւ Մայլսի պատմությունների հետ, որոնց օգնել է այդ ընկերությունը։

«Իմ պատմությունը բավականին բարդ է։ Ես հոգեբուժարանում էի»,- նրան ասել է Նավշինան: Մայլսն ավելացրել է. «Մոտ հինգ տարի առաջ ես շատ մութ, դժվար շրջանի միջով եմ անցել»: