Հայց դերասանուհու դեմ․ Գվինեթ Փելթրոուն դատարան է ներկայացել դահուկներով վթարի գործով
12:43 22 մարտի, 2023Դերասանուհի Գվինեթ Փելթրոուին դատարանի առջեւ է կանգնել Յուտա նահանգում՝ դահուկներով վթարի պատճառով: Այդ մասին գրում է NME-ն։
Դերասանուհու դեմ հայցը ներկայացրել է Թերի Սանդերսոն անունով մի տղամարդ, ով պնդում է, որ Փելթրոուն 2016 թվականին դահուկ քշելիս բախվել է իրեն եւ «ուժեղ հարված է հասցրել նրան»։ Սանդերսոնը հայտարարել է, որ միջադեպի արդյունքում ինքը ստացել է «գլխի մշտական վնասվածք, 4կողերի կոտրվածք, ինչպես նաեւ ցավ, տառապանք, կյանքից հաճույքի կորուստ, հուզական սթրես եւ հաշմանդամություն»։
Փելթրոուն հակընդդեմ հայց է ներկայացրել։ Նա պնդում է, որ հենց Սանդերսոնն է բախվել իրեն՝ հասցնելով «հարված ամբողջ մարմնով», ինչի արդյունքում նա թեթեւ վնասվածքներ է ստացել։ Փելթրոուն եւ նրա երեխաները ցուցմունք կտան դատական նիստերի ժամանակ: