Գարունն այն եղանակն է, որը թույլ է տալիս միշտ լինել թրենդային ու վառ: NEWS.am STYLE-ն «Օրվա look» խորագրում, պարբերաբար, կանդրադառնա հայ հայտնիների ընտրած կերպարներին:
Էվա Խաչատրյանը լուսանկարվել է Babo jewelry-ի համար: Դերասանուհին զարդերի պես շողում է՝ աչքերին ունենալով փայլիկներ: Այսպիսի դիմահարդարումը շարունակում է մնալ թրենդի մեջ: Լուսանկարների հեղինակը Մարատ Սարգիսովն է:
Հաղորդավարուհի Լիլիթ Մուրադյանը միշտ էլ աչքի է ընկնում ճաշակի նուրբ զգացողությունով: Երեւանյան հերթական տաք օրվա համար Լիլիթն ընտրել է դասական, միեւնույն ժամանակ՝ եթերային կերպար․ պիջակ, կարճ շրջազգեստ, ճտքակոշիկներ, նուրբ զարդեր, եւ նուրբ սանրվածք՝ հավաքված բանտով:
Դերասանուհի, բլոգեր Քրիստինա Հովհաննիսյանն իր սպորտային կերպարը վառ ու գարնանային է դարձրել մոխրագույն ու մանուշակագույն երանգների համադրություններով:
«Կույր աշխարհ»-ից մեկ այլ դերասանուհի՝ Եվա Բաղդասարյանը, այս շրջանում Դուբայում է: Եվան, պարբերաբար, լուսանկարներ է հրապարակում իր հանգստից: Հերթական զբոսանքի ժամանակ նա նախըտրել է, գրեթե, ամբողջական սպիտակ look-ը, որը շեշտադրել է սեւ եւ սպիտակ՝ զեբրային զոլեր հիշեցնող փոքրիկ պայուսակով:
Նատալիա Ռոտենբերգը ցանկացած սեզոնին ունի էլեգանտ տեսք: Իր նոր լուսանկարում, որն արվել է Հանրապետության հրապարակում, նա կրում է շագանակագույն կոստյում, իսկ վերնաշապիկը, կոշիկներն ու նրա այցեքարտը դարձած լայնեզր գլխարկը սպիտակ գույնի մեջ են: Ռոտենբերգն իր կերպարին նրբություն է հաղորդել մարգարիտների միջոցով:
Լուսանկարները՝ հայտնիների ինստագրամյան էջերից