Դիզայներ Ջերեմի Սքոթն ավտոպահեստամասերը վերածում է տպավորիչ զգեստների
22:16 23 մարտի, 2023Նորաձեւության դիզայներ Ջերեմի Սքոթի վերջին նախագծում ավտոպահեստամասերը վերափոխում է բարձր նորաձեւության ապշեցուցիչ հանդերձանքի կամ «քար-տյուրի», ինչպես ինքն է անվանում, գրում է CNN-ը:
Սեուլում ցուցադրված հավաքածուն Hyundai ավտոարտադրողի հետ համագործակցության արդյունք է, որը Սքոթին հանձնարարել է վերամշակել դեն նետված անվտանգության գոտիները, հետեւի լույսերը եւ նույնիսկ ծածկոցներն իր արտադրական հավաքածուից:
Ձեռագործ հագուստները ցուցադրվում են երկու օրից էլ քիչ այն բանից հետո, երբ Moschino լյուքս դասի լեյբլն ապշեցրել է նորաձեւության աշխարհը՝ հայտարարելով, որ ամերիկացի դիզայները թողնում է ստեղծագործական տնօրենի պաշտոնը մոտ մեկ տասնամյակ ղեկավարելուց հետո:
Սքոթը հայտնի է իր զվարճալի, համարձակ դիզայնով եւ արտասովոր նյութերի օգտագործմամբ, ինչպիսիք են լողավազանի փչովի խաղալիքները:
CNN-ի հետ զրույցում 47-ամյա դիզայներն ասել է, որ ցանկանում է մեքենայի բեկորները «վերակազմավորել» «քանդակային, ոգեշնչող եւ կենսունակ բանի»: Որպես օրինակ օգտագործելով իր երեկոյան դռնապանի զգեստը՝ նա ավելացրել է, որ հավաքածուն համատեղում է էլեգանտությունը «շատ քաղաքային մի բանի հետ»։ «Այսպիսով, դա մի իմաստով շատ ֆրանսիական նորաձեւություն է, իսկ մեկ այլ իմաստով՝ կիբերպանկ», - ասել է նա:
Նախագիծն իրենից ներկայացնում է Hyundai-ի ամենամյա «Re: Style» նախաձեռնության չորրորդ մասը, որով հարավկորեական ավտոարտադրողը խնդրում է հայտնի մոդելավորողներին վերամշակել մեքենաների մասերը նորաձեւ հագուստի մեջ: Թեեւ նախորդ տարիներին որոշ անդամներ վաճառել էին իրենց հագուստներն սահմանափակ քանակությամբ, Սքոթի ստեղծագործությունները միանվագ են, որոնք կցուցադրվեն Սեուլում առաջիկա երկուսուկես շաբաթվա ընթացքում:
«Դրանցից որոշներն, այնուամենայնիվ, շատ դժվար կլինի կրել, քանի որ այնքան էլ ավանդական չեն այդ առումով», - խոստովանել է նա: «Այնուամենայնիվ դրանք ավելի ոգեշնչող են»: