Անհայտ անձը փորձել է ամուսնության առաջարկություն անել հղի Ռիհաննային
15:28 24 մարտի, 2023Ռիհաննայի Լոս Անջելեսի տունը տարօրինակ դրամայի կենտրոն է դարձել այն բանից հետո, երբ անհայտ տղամարդը փորձել է ամուսնության առաջարկություն անել երգչուհուն, ով հղի է A$AP Rocky-ից իր երկրորդ երեխայով։
Ըստ TMZ-ի՝ տղամարդը Լոս Անջելես է ժամանել Հարավային Կարոլինայից եւ հայտնվել Ռիհաննայի տանը՝ Բեւեռլի Հիլզում, որպեսզի երգչուհուն ամուսնության առաջարկություն անի։
Փոփ դիվայի անվտանգության ծառայությունը ոստիկանություն է կանչել։ Պարզվել է, որ տղամարդը, կարմիր Nike-ի գլխարկով, ի վերջո, չի խախտել օրենքները եւ նրան ճանապարհել են՝ չվերադառնալու հրահանգով:
Այս միջադեպը տեղի է ունեցել գրեթե հինգ տարի անց մեկ այլ տհաճ դեպքից, երբ մի տարօրինակ տղամարդ ներխուժել էր երգչուհու տուն, երբ նա քաղաքում չէր։
26-ամյա Էդուարդո Լեոնան առնվազն մեկ օր մնացել է աստղի տանը, նախքան նրան ի վերջո կալանավորեցին: Իշխանությունները հավելել են, որ նա ինչ-որ կերպ անջատել է անվտանգության համակարգը եւ ներս է մտել։ Նա, ի վերջո, ձերբակալվել է հետապնդման, գողության եւ ներխուժման մեղադրանքով: