Բնականություն ու անսահման կանացիություն․ Պենելոպե Կրուսն այնպիսին է, ինչպիսին կա, ու հենց այդ բնատուր հմայքով էլ շարունակում է ոգեշնչել ու գերել աշխարհում բազմաթիվ երկրպագուների սրտեր։ Դերասանուհին պապարացիների կողմից արված լուսանկարներում, սովորաբար, շատ թույլ շպարով է։ Երեւում է՝ նա առօրյայում նախընտրում է այն, ինչ ամենից հարմարավետն է՝ ջինսեր, տոպեր, ժակետներ կամ պիջակներ, բնական արձակված ալիքներ ու ցածրակրունկներ։ Սակայն նրա եթերային կերպարները միշտ շքեղ են։
Ավելի երիտասաարդ տարիքում Պենելոպեն նախընտրում էր միջոցառումներին ներկայանալ աչքերն ու շուրթերն ընդգծող մեղմ շպարով ու գեղեցիկ մարմինն ընդգրկող ատլասե զգեստներով։ Հիմա դերասանուհին, կարծես, յուրահատուկ շրջազգեստների սիրահար է դարձել։ Նա, իսկական, կարապի է նմանվում գոտկատեղն ընդրկող լայնեզր շրջազգեստներով։ Երբեմն էլ Կրուսը գեղեցիկ երկար ոտքերը ցուցադրում է պիջակ-զգեստների միջոցով։ Դիմահարդարման մեջ Հոլիվուդի ամենահայտնի իսպանուհին նախապատվությունը տալիս է դասական ձեւով ընդգծված աչքերին, շագանկագույն կամ մուգ կարմիր շրթներկին։ 48-ամյա դերասանուհին, սակայն, շքեղ է՝ թե հատուկ պչրանքով, թե առանց դրա։
NEWS.am STYLE-ը Պենելոպե Կրուսի Instagram-ից առանձնացրել է 10 կերպար, որոնք լավագույնս պատմում են դերասանուհու ոճի մասին։