«Երեւանը մեր քաղաքի թատրոններն են եւ թատրոնի մարդիկ». փոխքաղաքապետ Տիգրան Ավինյանը թատերարվեստի ներկայացուցիչների հետ քննարկել է ոլորտում առկա խնդիրները 

Երեւանի քաղաքապետարանն այս տարի տարբերվող ձեւաչափով է նշում Թատրոնի համաշխարհային օրը: Տոնական ընդունելության օրակարգում ոլորտում առկա խնդիրներն են. Երևանի փոխքաղաքապետ Տիգրան Ավինյանը հանդիպել է թատերարվեստի գործիչների, երևանյան թատրոնների վարչական և ստեղծագործական կազմերի ներկայացուցիչների հետ:   

«Թատրոնը հազարամյակներ ի վեր երջանկություն ու դրական էներգիա է տարածում իր շուրջը, որտեղ էլ որ հայտնվի` բակում, փողոցում, դահլիճում, թե տանը: Եվ այս համատեքստում չափազանց կարևոր եմ համարում մեր այսօրվա հանդիպումը և ցանկանում եմ վստահեցնել, որ Երևանի քաղաքապետարանը կանգնած է լինելու թատրոնի, մեր բոլոր թատերական կազմակերպությունների, մշակութաստեղծ և բարձրարժեք նախաձեռնությունների կողքին: Հույս ունեմ, որ այսօր անկեղծ զրույց կունենանք թատրոնի առջև ծառացած խնդիրների ու մարտահրավերների շուրջ, առարկայական ու բաց քննարկման արդյունքում կնախանշենք մեր անելիքները: Շնորհավորում եմ ձեզ մասնագիտական տոնի առթիվ և մաղթում ստեղծագործական նորանոր ձեռքբերումներ՝ ի շահ հայ մշակույթի, թատերարվեստի զարգացման ու առաջընթացի»,- նշել է Տիգրան Ավինյանը: 

Անմիջական ու մտերմիկ զրույցը հնարավորություն էր՝ բարձրաձայնելու և քննարկելու ոլորտի ամենատարբեր՝ ընդհանրական խնդիրներից մինչև ընթացիկ հարցեր: 

Մանրամասները՝ տեսանյութում: