Երեւանցիներն ու մայրաքաղաքի հյուրերն արդեն ակտիվորեն շրջում են շապիկներով ու ամառային շորտերով։ Ջերմաչափի գծիկը մեկ անգամ չէ, որ հասել է 20 աստիճանի նշագծին։ Ամեն ինչ վկայում է այն մասին, որ ժամանակն է գնել նոր արեւային ակնոց: Այս շարքում NEWS.am STYLE-ը պատմում եւ ցույց է տալիս, թե որ մոդելներին արժե ուշադրություն դարձնել այս սեզոնին։
Կլոր, քառակուսի, նեղ պլաստիկից, փայտից․․․ նյութերի այս ամբողջ առատությունը կարելի է գտնել հայ արտադրողներից: Ավելին, ապրանքանիշերի մի մասը համագործակցում է արտասահմանյան ընկերությունների հետ՝ բարձրորակ օպտիկա ձեռք բերելու համար։ Մի խոսքով, տեղական ընկերությունները լուրջ են վերաբերվում այս հարցին։
Twinz․ սա ընտանեկան արտադրանք է, որի անունը խորհրդանշում է երկու մասնիկների փոխադարձ աջակցությունը։ Ընկերության հետեւում երկու եղբայրներ են՝ Բաբկենն ու Դավիթը (երկվորյակներ չեն):
Посмотреть эту публикацию в Instagram
Փորձերը սկսվեցին փայտե արտադրանքի ստեղծմամբ, իսկ երեք տարի անց հասան բարձրորակ փայտե շրջանակների արտադրությանը։ Բոլորովին տարբեր ձեւեր եւ գույներ:
Twinz-ը աշխարհահռչակ Carl Zeiss Vision ընկերության հավաստագրված գործընկերն է, որը համարվում է ոսպնյակների արտադրության ոլորտում առաջատար եւ ունի 170 տարվա պատմություն։ Zeiss ոսպնյակների շնորհիվ Twins ակնոցները 100% պաշտպանված են ուլտրամանուշակագույն ճառագայթներից:
Danz․ հայկական ակնոցների մեկ այլ բարձրակարգ ապրանքանիշ: Այս ապրանքանիշի հիմնադիրներն, ովքեր արդեն որոշակի տեղ էին զբաղեցնում տեղական շուկայում, այժմ ակտիվորեն դուրս են գալիս միջազգային ասպարեզ։
Посмотреть эту публикацию в Instagram
Արտադրությունը հիմնադրվել է 2017 թվականին։ Ընկերությունը հանդիսանում է ակնոցների առաջատար արտադրող եւ արտահանող ոչ միայն Հայաստանում, այլեւ տարածաշրջանում։ Չնայած արտադրությունը տեղական է, արհեստավորները ոչ մի տեղ չեն վերապատրաստվում, բացի Իտալիայից:
Danz-ը Տեխնիկական կարգավորման եւ չափագիտության դաշնային գործակալությունից ստացել է հավատարմագիր, որը հաստատում է, որ արտադրանքը համապատասխանում է Ռուսաստանի Դաշնության պետական ստանդարտի պահանջներին։
Վիկտորյա Պիսարենկո